Skip to Content

Primeira saída. MIRANDO POLO CAMIÑO: A Vía da Prata ao seu paso por Vedra

O mércores día 5 de maio, o alumnado de  3º ESO A realizou o treito da Vía da Prata entre A Ponte Ulla e a capela do Santiaguiño en San Pedro de Vilanova.  Á parte de percorrer este treito dun dos camiños de Santiago ao seu paso por terras de Vedra realizaron un gran xogo ao longo de toda a ruta. A actividade baseábase en percorrer uns 6 km da Vía da Prata mirando a paisaxe, escoitando a natureza, tocando distintas realidades, respirando e ulindo os elementos naturais que ían atopando e, sobre todo, sentindo o significado do Camiño. Ao final, todos os participantes recibiron un documento que acreditaba a participación e superación das diferentes trabas e obstáculos cos que bateron ao longo da andaina.

Xulia Marqués (Coordinadora)

Ver imaxes

 

Xela Arias e o patrimonio inmaterial vedrense

A partires duns fragmentos do libro de Xela Arias Non te amola! a rapazada do cole pediron aos seus maiores que que contaran supersticións, lendas ou remedios caseiros da súa infancia. Colaborando dende 6º de Primaria ata 4º ESO, iste é o resultado.

 

Listaxe definitiva de admitidos no proceso de admisión - 2021/2022

Comunícase que están publicadas as listaxes definitivas de admitidos/as como novo alumnado para o vindeiro curso 2021/22, no proceso de admisión.

Para a consulta das listaxes deberán facelo directamente nos taboleiros interiores do centro ou tamén na aplicación Admisión alumnado coa chave 365 ou certificado electrónico (pola Ley de Protección de datos non se poden publicar nesta web).

Todos os admitidos, tanto en reserva como no proceso de admisión, deberán formalizar a matrícula nos prazos establecidos:

  • Infantil e Primaria: Do 20 ao 30 de xuño
  • Secundaria: Do 25 de xuño ao 10 de xullo (Do 1 ao 10 de setembro se lle quedan materias pendentes)

LETRAS GALEGAS 2021. Aprender xogando

Temos o pracer de compartir con vós este xogo do que son autoras Ana Sánchez Sanmartín e Alba Carril Casanova, compañeira do centro e membro do EDLG.
 
Agardamos que con el poidades aprender moito da vida e obra de Xela Arias.
Parabéns a Ana e Alba.
 
E todos, a xogar!!!
 
 
 

 

ALUMNO DO CPI DE VEDRA FINALISTA DA OLIMPIADA MATEMÁTICA DA ESO.

O pasado 29 de abril os alumnos de 2º ESO ALEX CABO LODEIRO E HUGO DOMÍNGUEZ CONDE participaron na fase de zona da Olimpíada Matemática de 2º ESO  que se celebrou en Santiago.

A proba consistiu na resolución individual de cinco problemas, os mesmos en todas as zonas. Na valoración dos problemas primou o método de resolución empregado, a súa orixinalidade, etc, por enriba da mera solución.

No día de hoxe, 10 de maio, saíron publicados os finalistas de cada zona, figurando na de Santiago como finalista ALEX  CABO LODEIRO, que participará na fase final galega o día 20 de maio na cidade de Lugo.

Noraboa aos dous por participar e ánimo a Alex para esta nova fase.

CAMPAÑA DE RECICLAXE "MOBILízate pola selva"

O CPI Plurilingüe de Vedra participa nunha campaña de reutilización e reciclaxe de móbiles para axudar á protección dos ecosistema africanos, en colaboración co Instituto Jane Goodall (IJG).

Abarcará todo o mes de maio de 2021

Información da campaña

 

 https://mobilitzatperlaselva.org/es/

Vídeo presentación da campaña

 

 Coñece o

Instituto JANE GOODALL (IJG)

 Como borrar a información dos teléfonos

 

COLABORA TRAENDO OS TEUS MÓBILES

Ana Filgueiras visita o CPI de Vedra

O pasado venres 9 de abril  estivo connosco no centro educativo a arqueóloga, Ana I. Filgueiras. O alumnado de 3.º da ESO tivo a ocasión de escoitar o seu relatorio "Camiño e tradición, o oficio de andar" en que investigadora  e veciña de Vedra abordou o significado do legado cultural relacionado co Camiño, tanto nos seus aspectos prácticos como simbólicos e outros temas directamente vinculados coa peregrinación e o tránsito que deixaron a súa marca na paisaxe e na alma da xente ullá.

 Esta actuación encádrase dentro do programa de innovación educativa  Proxecta 20-21. Mirando polo Camiño  promovido pola Consellería de Educación e a Dirección Xeral do Patrimonio e do que Vedra medra forma parte co proxecto "De cruces, cruceiros, camiñantes e camiños cara a Compostela".

Xulia Marqués

Coordinadora de Vedra medra

 

LISTAXES PROVISONAIS ADMITIDOS PARA O CURSO 2021/22

Comunícase que están publicadas as listaxes provisionais de admitidos/as como novo alumnado para o vindeiro curso 2021/22, no proceso de admisión.

Para a consulta das listaxes deberán facelo directamente nos taboleiros interiores do centro ou tamén na aplicación Admisión alumnado coa chave 365 ou certificado electrónico (pola Ley de Protección de datos non se poden publicar nesta web).

Ábrese un prazo de reclamación de cinco días hábiles, desde hoxe ata o luns día 19 de abril

Día da muller

Este ano o alumnado de Educación Infantil e Primaria do CPI Plurilingüe de Vedra realizou a nivel de aula, en relación ao Día Internacional da Muller, diversos traballos de investigación co fin de poñer de manifesto a relevancia da figura feminina ao longo da nosa historia, sendo esta montaxe audiovisual un pequeno resumo do resultado da labor realizada. 
 
Novamente, parabéns polo esforzo realizado rapazada!!!

 

 

Solicitudes de admisión presentadas (22/03/2021)

Datos de admisión no remate do prazo de presentación de solicitudes (salvo posibles solicitudes presentadas hoxe por sede electrónica).

ADMISIÓN

2021-2022

VACANTES

SOLICITUDES  PRESENTADAS

Oferta

total

Reserva

Admin.

ED. INFANTIL

4º EI (3 anos)

25

3

16

5º EI (4 anos)

7

-

3

6º EI (5 anos)

1

-

2

 

 

 

 

 

ED. PRIMARIA

1º EP

3

3

1

2º EP

22

-

0

3º EP

22

-

0

4º EP

14

-

0

5º EP

15

-

2

6º EP

18

-

0

 

 

 

 

 

E.S.O.

1º ESO

7

3

4

2º ESO

0

-

0

3º ESO

19

-

0

4º ESO

25

-

1

Distribuir contido


by Dr. Radut