Esta semana os nosos "contacontos" agasallaron aos máis pequenos cos seguintes contos: 

- "Monstruos patas arriba"

- "La llave de los sueños"

Que ben o pasamos! 

Grazas a todos/as!

Polo Samaín levamos a cabo lecturas terroríficas para os máis pequenos. 

Tivemos uns padriños lectores xeniais que prepararon as súas lecturas e léronllas aos máis pequenos do cole. 

Xa chegou o Samaín e o magosto ao noso cole. 

Hoxe estivemos gozando dunha xornada marabillosa, aínda que o tempo non nos acompañou como nos gustaría. 

A continuación podedes ver o ben que o pasamos. 

(PREMA NA IMAXE PARA VER O VÍDEO)

Os días 20 e 21 de outubro tivemos a oportunidade de gozar das actuacións do Mago Teto e o Mago Paco no auditorio da Casa da Cultura de Vimianzo.

Este curso o alumnado de 4º está en territorio Jumanji, e o pasado 21 de setembro saíron das súas cabanas para explorar a zona.

Se queredes ver a súa experiencia mira o vídeo con paciencia. 

E se che gusta o que ves, 

a Cambeda podes ir

e o paseo facer ti.

Recorda...

Se o planeta queres salvar

a natureza debes coidar.

(PREMA NA IMAXE PARA VER O VÍDEO)

Aquí vos deixamos unha pequna mostra do noso Festival de Fin de Curso 2021/2022

O alumnado de 3º de primaria foi facer un tramo do Camiño dos Faros (de Camelle a Traba). Tamén aproveitou para deixar a praia aínda máis limpa do que a atopou.

Ao longo deste curso escolar iniciamos unha serie de actividades para levar a cabo o Plan de Igualdade do centro, coa intención de darlle continuidade nos vindeiros cursos. Este baséase nos seguintes principios:

• Transversalidade: a igualdadede xénero como un principio transversal e sempre presente na nosa actividade educativa.
• Sociedade igualitaria: a construción dunha sociedade na que homes e mulleres serán iguais empregandoa educación como medio para combatir todas as formas de discriminación.
• Violencia 0 nas aulas e na sociedade: é imprescindible a sensibilización e a concienciación na comunidade educativa do problema da violencia de xénero na sociedade e a loita pola súa total desaparición. 

No seguinte vídeo podedes ver unha mostra dalgun das actividades:

O pasado 24 de Maio o alumnado de sexto de primaria tivo a oportunidade de realizar unha visita ao museo DOMUS da Coruña.

Dentro da visita o protagonismo centrouno un taller de circuítos onde puideron experimentar con múltiples elementos dun circuíto eléctrico e resolver os problemas que se lle plantexaban. Tamén realizouse unha visita polas tres exposicións do museo:

• A primeira dedicada ao xenoma humana, onde puideron coñecer os segredos que oculta o noso ADN e como os nosos hábitos afectan a nosa saúde.
• A segunda adicada as intelixencias múltiples de Howard Gardner.
• A terceira adicada a evolución da especie humana e a responsabilidade que temos como especie dominante sobre o planeta.

O alumnado participou nas últmas sesións de contacontos e do Clube de Lectura ao longo do mes de maio: