Saltar navegación.
Inicio

blogue deMJVILLAVERDE

PLAN DE ACOLLIDA CURSO 2020/2021

HORARIO DE ENTRADA, SAÍDA E PORTAS ESTABLECIDAS PARA CADA GRUPO NO CURSO 2020/21

Entrando neste documento  poden ver o cadro explicativo cos horarios de entrada, saída e portas establecidas para cada curso. Así mesmo recórdase ás familias que no documento do PLAN DE ACOLLIDA colgado na publicación anterior (baixar na páxina) poden atopar toda a información relativa a estes aspectos así como ás normas establcidas no centro para este curso (recoméndase a súa lectura).

HORARIO DE REUNIÓNS INICIAIS POR TITORIAS E PLAN DE ACOLLIDA PARA O CURSO 2020-2021

CURSO 2020/2021

HORARIOS DE REUNIÓNS INICIAIS DE TITORÍA.

A continuación infórmase ás familias dos horarios establecidos para levar a cabo as titorías de aula cos mestres correspondentes:

  • 6º de Educación Infantil: venres día 4 ás 11.30 horas na aula de 6º de infantil.
  • 4º de Educación Infantil: luns día 7 ás 10:00 horas nas aulas das titorías correspondentes.
  • 5º de Educación Infantil: luns día 7 ás 11:00 horas nas aulas das titorías correspondentes.

 

  • 1º A de Educación Primaria: luns día 7 ás 10.15 horas na aula.
  • 1º B de Educación Primaria: luns día 7 ás 11.15 horas na aula.
  • 2º de Educación Primaria:luns día 7 ás 12.15 horas na aula.

 

  • 3º A de Educación Primaria: mércores día 9 ás 10.00 horas.
  • 3º B de Educación Primaria: mércores día 9 ás 10.15 horas.
  • 4º de Educación Primaria: mércores día 9 ás 10.30 horas.
  • 5º de Educación Primaria: mércores día 9 ás 10.45 horas.
  • 6º de Educación Primaria: mércores día 9 ás 11.00 horas.

O obxectivo de etablecer estes horarios é evitar aglomeracións no centro, na medida do posible. Cada grupo de pais será recollido á hora establecida na porta do parque polo mestre correspondente para acompañalos na subida ás aulas. Rógase que se cumpran as medidas de hixiene básicas así como o emprego de máscaras en todo o momento dentro do centro. Asistirá unha única persoa por alumno/a e sen nenos/as.

 

PLAN DE ACOLLIDA COAS NORMAS BÁSICAS DE ORGANIZACIÓN PARA O CURSO 2020/2021.

Pinchando no seguinte enlace poden acceder ao documento onde se detallan as medidas básicas que deben ter en conta as familias para este curso. Recoméndase a súa lectura detallada para coñecer como se organizan os horarios de entrada no centro, así como outros aspectos básicos relacionados coa seguridade e medidas básicas que se empregarán. Este documento foi elaborado atendendo as medidas recollidas no PROTOCOLO DE ADAPTACIÓN AO CONTEXTO COVID 19 e ás Instrucións do 30 de xullo de 2020, da Dirección Xeral de Educación.

 

 

RECOMENDACIÓNS PARA OS CAMBIOS DE ETAPA EDUCATIVA

Entrando nesta publicación (pinchar no título) poden ver os documentos adxuntos con información de interese para as familias do alumnado que comeza en 4º de Educación Infantil e en 1º de Educación Primaria.

 

VÍDEOS DE 2º DE PRIMARIA

 CORONAVIRUS NON É UN PRÍNCIPE NIN UNHA PRINCESA

Como consecuencia desta anómala situación vivida tamén polos máis pequenos e pequenas, o alumnado de  2º A,  nesta última quincena do curso,  traballou a Lingua Castelá no proxecto “Todos somos  actores e actrices”,   preparando un  pequeno conto no que a protagonista explica como viviu esta pandemia  na súa familia e recórdanos as medidadas de hixiene que non debemos esquecer. 

Grazas a todas as familias pola súa colaboración!

 

A NOSA LINGUA, AS NOSAS TRADICIÓNS

"O alumnado de 2ºB de E. P. celebra ter unha lingua propia, por iso nos adicamos a gravar refráns,descripcións, ditos populares e fermosas palabras en galego, recollidas nun recuncho, nun monumento ou nunha paisaxe do noso Concello de Vimianzo".

 

RECOLLIDA E ENTREGA DE MATERIAIS E LIBROS

Estimada famimilas,

Como sabedes xa estamos na Fase 2, polo que o goberno xa autoriza a presenza do profesorado no centro e permite a recollida e entrega de material escolar e libros por parte das familias. Ata o momento non estábamos autorizados.

Co fin de que podan vir entregar e recoller os materiais e libros dos seus fillos/as evitando aglomeracións e respetando as medidas hixiénicas recomendadas, a organización establecida é a seguinte:

  • Días 1-2 de xuño: Infantil
  • Días 4-5 de xuño: 1º e 2º de Educación Primaria.
  • Días 10-11-12: 3º,4º,5º,6º de Educación Primaria.

Cada familia será citada polos titores para unha hora concreta nos días establecidos, para que podan acudir por quendas. Deben traer bolsa para a recollida dos materiais e, aquelas persoas que dispoñan na súa casa dos libros de Fondo Libros, deben devolvelos para poder acceder ás axudas correspondentes no vindeiro curso. Rogamos que veñan con mascarillas e guantes para manter as medidas de seguridade necesarias.

RULETA DE PALABRAS - ALUMNADO DE 6º DE PRIMARIA

O alumnado de 6º de primaria utilizou unha forma orixinal e motivadora de aprender e repasar os contidos de distintas materias.

Anímaste a ver canto sabes ti? Pincha nas imaxes e ponte a proba!!

 

           

 

 

           

 

 

DÍA DAS LETRAS GALEGAS 2020 - ALUMNADO DE 4º DE PRIMARIA

Os nenos e nenas de 4º de primaria tamén fixeron os seus traballiños de investigacion sobre Ricardo Carvalho Calero,autor conmemorado nas Letras Galegas 2020. Botádelle un ollo ao ben que o fixeron pinchando na imaxe!!

Distribuir contido