Novidades do curso 2011/2012 no CEIP de Bandeira
1. Programa Experimental de Acompañamento Escolar en Lingua Estranxeira (Inglés): o CEIP de Bandeira oferta a posibilidade de mellorar a competencia comunicativa nas destrezas orais do alumnado en lingua inglesa. Esta actividade desenvolverase en horario de 16:10h. ata 17:10h. Os luns e xoves.
2. Programa de Acompañamento Escolar para o apoio, reforzo e orientación: Outra oferta educativa que presenta o centro é a que se desenvolverá nas tardes do luns e xoves, en horario de 16:10h. ata 18:10h. A finalidade é potenciar a aprendizaxe e o rendemento escolar do alumnado mediante aspectos como, por exemplo: a adquisición de hábitos de organización e constancia no traballo, alento ao estudo, favorecer a transición entre niveis, ciclos así como tamén de etapa.
