Skip to Content

                       

vese un gif animado sobre o que está soando no fio musical

6º Ed. Primaria

Xornadas STEAM 2024

O alumnado de 6º de Educación Primaria participa no programa Inspira STEAM.

Este é un proxecto pioneiro para o fomento da vocación científico-tecnolóxica entre as nenas, baseado en accións de sensibilización e orientación, que imparten mulleres profesionais do mundo da investigación, a ciencia e a tecnoloxía. O corazón do proxecto son as mentoras, que de maneira voluntaria, achegan o seu día a día a nenas e nenos a través de seis sesións de traballo en horario lectivo. Todas elas son científicas e tecnólogas que desenvolven a súa actividade profesional en diferentes ámbitos: académico, empresarial, investigación, xestión etc.

Durante as sesións de traballo trátanse temas como os estereotipos que nos rodean, o traballo ou mulleres e ciencia ao longo da Historia. Con estes encontros entre mentoras,  nenas e nenos quérese axudar a disipar dúbidas e obxeccións sobre as profesións en ciencia e tecnoloxía, a clarificar as súas motivacións e a afianzar a súa autoestima para iniciar o devandito camiño profesional, se así o desexan.

 

No seguinte link podedes ver un vídeo que explica moi ben o proxecto:

https://www.youtube.com/watch?v=sUvCFR4nWRA&t=17s

 

Álbum: *Curso 2023-2024* -> xornadas STEAM

Taller de lettering de Nadal

No taller de Lettering do mes de decembro decoramos bólas de

Nadal.

Circo de Nadal

  Para rematar o trimestre todo o cole fomos ao Circo de Nadal a Vigo 20 ideas de Emojis de navidad | emojis, emoticonos, emoticones emoji

 

A continuación merendamos nun parque preto da Praza de América e rematamos

a mañá xogando alí.

 

Álbum: *Curso 2023-2024* -> Circo Nadal

Recomendacións lectoras para Nadal

Chegou o Nadal e con el queremos recomendarvos algunhas lecturas para esta

época do ano. Pinchade nas imaxes para acceder ao arquivo.

 

Agardamos que sexan do voso agrado

 

Dende o Equipo de Biblioteca Creativa aproveitamos para desexarvos a todas e

todos que pasedes un agarimoso Nadal!

 

BIBLÚ agárdavos á volta con moitas sorpresas....

 

Servicio Integral de Reparación equipamento E-Dixgal

Nesta publicación podedes acceder á información referente as coberturas do equipamento do alumnado de 5º e 6º de Primaria que traballan co proxecto E-Dixgal.

É totalmente voluntario e as familias que desexen consultar a información sobre as características e cobertura do Servicio Integral de Reparación poden facelo clicando na imaxe.

 

 

 

 

Información E-Dixgal para as familias

Xa temos dispoñible toda a información para as familias sobre o proxecto E-Dixgal que se leva a cabo nas aulas de 5º e 6º de Educación Primaria.

Clica na imaxe para acceder ao arquivo.

 

Festa da auga

O último día de clase celebramos a festa da auga no cole.

Fixemos diversos xogos e ata tivemos un tobogán inchable, foi xenial!!

E para rematar a mañá tivemos a festa da escuma!

Grazas a nosa ANPA por traernos este inchable tobobán tan molón! e grazas tamén pola festa da escuma!

Aquí tedes algunhas fotos do que fixemos para clausurar o curso 2022 - 2023!

Álbum: Curso 2022-2023 -> Festa da auga

Acto de graduación

O martes 20 de xuño tivemos o acto de graduación dos grupos de 6º de Educación Infantil e 6º de Educación Primaria.

Foi un día moi emotivo para toda a comunidade educativa e moi especialmente para o alumnado e as familias destas dúas clases.

Gozamos de diversas actuacións que realizaron os nenos e nenas que se graduaban así como da actuación do dúo Tonichi y Pacheco.

Podedes ver unha mostra do talento que hai no cole nos seguintes vídeos.

Agardamos que vos gusten!!

 

Actuación de 6º de EP

Actuación de 6º de EI

Danza das Espadas interpretada polo alumnado de 6º de EP

Vídeo de despedida do alumnado de 6º de EP

Álbum: Curso 2022-2023 -> Graduación

Excursión de Fin de Curso

O 14 de xuño todo o centro realizou a excursión de fin de curso. 

Comezamos o día en VigoZoo onde varias guías nos foron levando polas instalacións e contándonos a historia dos animais que están actualmente alí.

Rematada a visitamos, fomos comer e experimentar con todos os recursos que ofrece o Parque O Son do Regueiro, en Mos.

Foi un día moi completo no que o pasamos moi ben!!

Álbum: Curso 2022-2023 -> Excursión Fin de curso

Excursión Ao Grove

Os días 26, 27 e 28 de abril, o alumnado de 5º e 6º de Educación Primaria realizou a excursión de fin de curso ao Grove.

Estiveron acompañados de dúas mestras do centro e dos monitores e monitoras do Camping Os Fieitás que foi onde se aloxaron durante os tres días.

Realizaron diversas actividades: xogos na praia, snorkel, kayak, veladas nocturnas, escalada no rocódromo, baixada en tirolina...

Foi unha moi boa experiencia para coñecerse mellor fóra do contexto escolar.

Álbum: Curso 2022-2023 -> Excursión O Grove
Distribuir contido


by Dr. Radut