Skip to Content

A igualdade: un mar de oportunidades

A igualdade: un mar de oportunidades

O proxecto da ANPA do CEIP Fontes Baíña titulado A Igualdade: un mar de oportunidades obtivo unha axuda económica de 3000 euros da Secretaría de Igualdade da Xunta de Galicia destinada a financiar actividades de promoción da igualdade e de prevención da violencia de xénero, financiadas en desenvolvemento do Pacto de Estado contra a violencia de xénero. 

Contamos co apoio firme do centro para levar a cabo todas as actividades así como coa colaboración das seguintes organizacións: Centro de Información, Concello de Baiona, Confraría de Pescadores de Baiona, Universidade de Vigo, Deputación de Pontevedra e Obradoiros de Emprego de Galicia. 

O proxecto arrancará co inicio do curso 2021/2022 e rematará o 25 de novembro de 2021, Día Internacional contra a Violencia de Xénero.

A proposta inclúe distintas accións para tratar a igualdade e previr a violencia de xénero a través das mulleres do mar de Baiona, a arte, as TIC e as novas masculinidades. A culminación do proxecto será a pintura dun mural a cargo da artista Lula Goce a través dunha metodoloxía participativa e didáctica con todo o alumnado do colexio. A intervención artística plasmará o papel da muller do mar de Baiona, alertará dos perigos do uso inadecuado das novas tecnoloxías e amosará o rexeitamento unánime da comunidade educativa á violencia de xénero.

O obxectivo do proxecto é concienciar a comunidade educativa (alumnado, profesorado e familias) da importancia da prevención da violencia de xénero e da creación dunha contorna educativa e social que potencie a igualdade a través da súa participación nas actividades:

  • Presentación do proxecto ao alumnado
  • Encontro da artista baionesa Lula Goce co alumnado
  • Recompilación de información e de fotografías sobre as mulleres do mar de Baiona.
  • Testemuños de mulleres do mar de Baiona.
  • Proxección do documental 'Loita no acantilado' e debate coas protagonistas.
  • A Maleta dos océanos: a achega das mulleres á sustentabilidade do mar.
  • Relatorio e obradoiro sobre as novas masculinidades.
  • Charlas sobre os perigos do mal uso de internet e das redes sociais.
  • Encontro do alumnado coa artista baionesa Lula Goce
  • Concurso de debuxo e de pintura
  • Pintura dun mural a través dunha metodoloxía didáctica e participativa con todo o alumnado do colexio que simbolizará da comunidade educativa á violencia de xénero.
  • Xornada de formación e de convivencia para as familias.
  • Celebración do 25 N: inauguración do mural e homenaxe a Águeda González Portela. 

Agradecémosvos a vosa máxima colaboración para que o proxecto sexa un éxito!

 

Pintura do mural

O luns 25 de outubro comezou a pintura dun mural no colexio a cargo de Lula Goce!

A artista baionesa visitou en setembro todas as clases para presentar a súa obra desde unha perspectiva de xénero e solicitar a axuda do alumnado para realizar o bosquexo do mural.

Con todas as creacións que lle enviaron os nenos e nenas por correo electrónico, Lula Goce deixará no colexio a esencia da súa obra: recreará unha nena rodeada de elementos naturais, neste caso seres vivos dos fondos do mar de Baiona, cumprindo o enfoque ecolóxico que sempre se pode ver no seu traballo e como concreción das temáticas traballadas no proxecto da ANPA A igualdade: un mar de oportunidades.

 

 

Experiencias de mulleres do mar

Queremos poñerlle rostro ás mulleres de Baiona que traballaron e traballan en diferentes sectores vinculados co mar. Hai ou houbo algunha mariscadora, mariñeira, redeira, percebeira, mergulladora, investigadora de ciencias do ma etc. na túa familia ou no teu círculo de amizades? 

Convidámolas a achegarse ás aulas para contarlle ao alumnado as súas experiencias laborais e afectivas vinculadas ao mar,  a describir o seu traballo e a contar anécdotas e posibles desigualdades vividas polo feito de seren mulleres.

Poden participar tanto mulleres en activo como xubiladas. Agardámosvos ata o 24 de novembro de 2021!

Traballo de investigación

Descubre o importante papel xogado desde sempre polas mulleres na conservación dos océanos e na explotación sostible dos recursos mariños. Realiza unha busca de información, obxectos ou fotografías relacionadas co traballo das mulleres do mar en xeral e do ma de Baiona, en particular. Tamén podes realizar entrevistas, escribilas ou gravalas. 

Todos os formatos e as achegas son benvidos e pódesllos entregar á túa titora ata o 5 de novembro de 2021.

O obxectivo é concienciar a comunidade educativa da importancia da sostibilidade do mar desde unha perspectiva de xénero e reflexionar sobre as diferenzas entre homes e mulleres neste ámbito.

Mulleres artistas

Lula Goce, a artista baionesa convidada pola ANPA para pintar o mural, xa visitou as distintas aulas do CEIP Fontes Baíña.

Explicoulles ao alumnado como é o seu traballo, en que consiste a arte urbana, que estudos realizou e cal é o seu papel no proxecto A igualdade: un mar de oportunidades.

Na súa visita ás aulas, Lula convidou a todos e todas a suxerirlle ideas (en forma de descrición ou de bosquexo) que recollan os tres eidos do proxecto: a igualdade, as mulleres do mar de Baiona e as novas tecnoloxías.

O 8 de outubro, representantes das clases de sexto e de quinto organizarán as achegas e enviaránlles todo o material por correo electrónico a Lula, ao colexio e á ANPA para que a artista poida comezar a traballar nunha proposta de deseño para o mural do centro.

Seguro que as ideas do alumnado axudarán moitísimo a Lula!

 

 

Información ás familias

 

Na asemblea que tivo lugar o 28 de setembro de 2021, presentámoslles o proxecto A igualdade: un mar de oportunidades aos 36 pais e nais asistentes.

Solicitámoslles a súa colaboración para desenvolver todas as actividades previstas.

 

 

Presentación ao alumnado

 

O pasado 13 de setembro de 2021, Lucía, a tesoureira da ANPA, visitou todas as aulas para presentarlle o proxecto ao alumnado.

 

Distribuir contido


by Dr. Radut