Nesta misión aprendemos o importante que é respectar e coidar as plantas e as árbores. Fixemos unha chea de actividades e xogos. Mirade todo o que aprendemos…

Temos un recuncho favorito na clase, é a mesa sensorial  onde plantamos  e contamos flores. Algúns  xa estamos coa decena porque temos un “truco “ para contar máis rápido. Xa vos contaremos…

Todos os días observamos as nosas sementes e imos observando como medran e vemos as súas partes : raíces, talo, follas… estamos a esperar a que saian as flores.

Hoxe  comezamos cos contacontos das LETRAS GALEGAS, tivemos dous contacontos dos laciños azuis: os pais de Jana e a nai de Saúl. Moitas grazas pola vosa colaboración.

Hoxe venres contaronnos contos moi chulos a nai de Ezequiel  e a nai de Markel. Moitas grazas pola vosa colaboración.

Nesta 2º misión imos falar do importante que son as árbores para o Planeta. Temos que coidalos porque nos dan osíxeno, axúdannos a regular a temperatura, son o fogar e a comida de moitos animais… e  aprenderemos unha chea de cousas curiosas sobre eles.

Mirade que árbores máis orixinais temos os Gardiáns do Planeta.

Comezamos esta 2º misión cunha sorpresa  de Maki , tróuxonos unhas fabas máxicas do conto de “Juan e as habichuelas máxicas” e decidimos despois de escoitar o conto plantalas nunha maceta reciclada moi ben decorada co seu castelo.

Mirade que bonitas!!!!

Hoxe celebramos os aniversarios de LAURA R., SARA, VANNIA e VALENTINA, xa están na tarta de 5 anos. QUE ILUSIÓN!!!

Como agasallo levan unha maleta chea de agarimo.

PARABÉNS !

De aquí para alá é un proxecto didáctico musical creado por Lydia Botana para público infantil no que viaxamos arredor do mundo aprendendo, bailando e cantando as músicas de cada lugar a través dunha bolboreta musical. Aquela que viaxara de aquí para alá polo mundo adiante á procura da felicidade para o seu amiguiño Gali, que é un neno africano. Bolboreta perdeu as cores das ás! Ao principio, non sabe que puido pasar, pero devagariño comeza a comprender as emocións que sente expresándoas a través da música, nunha viaxe musical que atravesa todos os continentes, mostrando diferentes tradicións, bailes, músicas e instrumentos pasando por lugares coma Brasil, Cuba, Xamaica, os Balcáns...

Hoxe veu Yago García-Garaball a explicarnos unha chea de cousas interesantes para facer o compost: é moi importante pór capas “tipo lasaña” unha capa verde-húmida e outra marrón-seca, hai que remover e ten que estar moi ventilado, o demais o fan os nosos amiguiños que viven debaixo da terra. Tamén nos axudou a sementar fabas e agora toca esperar unhas semanas…

O mes de abril é o mes dos libros, destacamos dúas datas importantes:

O Día Internacional do Libro Infantil e Xuvenil celébrase o 2 de abril, coincidindo co natalicio do escritor danés Hans Christian Andersen.

O Día Mundial do Libro, que se celebra o 23 de abril.  Coincide co a morte de tres grandes da literatura universal: Miguel de Cervantes, William Shakespeare e o Inca Garcilaso de la Vega.

 Dende o cole temos claro que ler é unha gran actividade para a nosa mente: axuda a exercitar a memoria, permítenos aprender palabras ou ampliar a linguaxe. Para un neno asomarse a un libro é unha oportunidade para aprender, xogar, coñecer a personaxes distintos a eles ou vivir situacións que non experimentarían no seu día a día. Ler axúdalles a desenvolver a empatía e a madurar, a ser constantes e a potenciar a súa creatividade e imaxinación, lendo e creando os seus propios universos. Ademais de que os libros poden ser o compañeiro perfecto para axudarnos a lidar con hábitos do día a día e axúdannos a compartir tempo de calidade cos nosos fillos.

Algunhas actividades que levamos a cabo para fomentar o interese polo fomento da lectura e facer del un hábito de vida son: 

contacontos... hoxe viñeron a contar un conto Darnell e dous compañeiros (3º de primaria) encantóunos, moitas grazas.

... as mochilas viaxeiras...

...a hora do conto...

Mirade que marca páxinas máis bonitos fixemos para os nosos contos preferidos.

 Temos unha actividade voluntaria para que deixedes os vosos contos preferidos só tedes que picar no ENLACE, no símbolo + e seguir as instruccións.

Cada 22 de abril conmemórase o Día Mundial da Terra para visibilizar o impacto da actividade humana no medio ambiente, así

como expor a necesidade de levantar accións para un desenvolvemento sostible. Nós  “Os gardiáns do Planeta” estamos a

aprender unha chea de cousas que fan dano ao planeta que é o noso fogar e o de moitos animais,  debemos aprender a coidalo.

Algunhas das actividades que realizamos:

-       cartón vermello á “basuraleza” e verde a todo o que nos axuda a coidar o planeta (aforrar auga e enerxía, ir andando ou en

         bicicleta sempre que se poida, plantar, coidar  os animais, reciclar).

-       Fixemos o noso propio planeta Terra  con filtros de café e uns goteros.

A nosa 1ª misión é COIDAR O PLANETA, despois de buscar información dámonos conta que hai moito lixo. Que podemos facer con el? ....  e a resposta tróuxonola o Capitán Verdemán, un heroe da reciclaxe, con el aprendemos a regra das 3 R: reducir, reutilizar e por último reciclar.

Preparamos as etiquetas para as papeleiras da clase e fixemos un experimento de “plantar algunhas cousas do lixo”(  monda de plátano, anaco de mazá, papel de aluminio, plástico, servilleta), imos observar o que pasa.