Charla con Indalecio Iglesias

Dentro do programa "Coruña Olímpica", este xoves 29 de abril achegouse ao colexio o deportista paralímpico coruñés Indalecio Iglesias. Durante a súa visita, este deportista coruñés participante nas olimpiadas de Barcelona 92, estivo acompañado pola periodista Lis Franco que actuou de moderadora e presentadora na charla de unha hora que mantivo co alumnado de 6ºEP. Narrou a súa experiencia como deportista de élite e as súas experiencias durante aquela participación nas Olimpiadas en Barcelona. O alumnado tivo ocasión de participar con preguntas e tamén compartindo as experiencias deportivas. Unha actividade para o fomento dos valores que transmite a práctica deportiva, e que non sempre teñen que estar relacionados coa fama e a riqueza, senón co esforzo, a igualdade, a comprensión e a solidaridade.

Saída aos Xardins de Méndez Núñez

Ola familias!

Hoxe (por fin!) saímos do cole cos pequenos e pequenas de 5 anos. Retomamos unha das cousas que máis lles gusta aos nenos e nenas. As saídas do cole engloban moitas emocións e se disfrutan coma se fose sempre a primeira vez (en infantil ir no bus axuda xa que é unha das cousas máis emocionantes!jijijijij). Con esta visita aos xardíns esperamos que comece unha nova etapa, ou mellor dito, que se recupere unha forma de vivir a escola na que se achega a contorna ás aulas.

Vémonos pronto!

23 de abril, Día do Libro

O mes de abril é un mes no que os libros toman moito protagonismo. Comeza no día 2 coa celebración do Día Internacional do Libro Infantil e Xuvenil e unha semana antes de rematar, o día 23, festexamos o Día Mundial do Libro. Cada día presentaremos un libro atendendo recomendacións que alumnado e profesorado nos fagan chegar. Só hai que premer no número do día e ver a proposta. Feliz mes dos libros!

 

Listaxes provisionais da admisión do alumnado 21-22

Dende o mércores 21 de abril podedes consultar as listaxes de admitidos e non admitidos para o vindeiro curso 21/22. Estas listaxes están pegadas no taboleiro do colexio, na entrada principal, e que podedes consultar presencialmente de luns a venres no seguinte horario:

  • de 9,15h a 11h
  • de 16h a 17h

Ás instruccións da Xefatura Territorial de Educación impiden a publicación das listaxes na web. 

O prazo de reclamacións, debidamente xustificadas, será ata o 28 de abril na secretaría do colexio no horario de 9,15h a 11h.

A publicación das listaxes definitivas será antes do 14 de maio.

Retomamos as saídas fora do colexio

Ante a evolución favorable da pandemia nas derradeiras semanas, valoramos iniciar algunhas saídas programadas, sempre que en cada actividade e momento a situación sexa valorada pola dirección e os equipos docentes como aceptable. A idea é aportar un maior grao de "normalidade" no desenvolvemento do curso actual. Por suposto que teremos as máximas garantías para continuar co cumprimento do protocolo COVID no ámbito educativo; acudiremos as saídas mantendo os grupos estables de convivencia,e como veredes, priorizando actividades ao aire libre. As saídas programadas ata o momento as podedes consultar actualizadas no enlace Calendario de saídas da web.

Solicitude de Becas Comedor para o curso 21/22

Entre o 5 e o 30 de abril podedes solicitar as Becas de Comedor, que como cada ano convoca o Concello de A Coruña. Son unhas axudas que tedes que solicitar en dependencias municipais. O acceso a toda a información sobre a convocatoria facendo clic na imaxe. Se precisades o certificado de escolarización solicitádeo a través do correo electrónico ceip.fernandez.latorre@edu.xunta.gal e o meteremos na mochila do-a alumno-a correspondente, e así evitamos accesos innecesarios ao recinto escolar.

"AS OLIMPIADAS"; un proxecto de 5ºde Infantil

Para desfrutar esta Semana Santa traemos á portada da web un resumo do traballo realizado polo alumnado e profesoras das tres aulas de 4 anos. Nesta ocasión foron as OLIMPIADAS. Veredes un repaso e práctica dos diferentes deportes que teñen lugar nuns xogos olímpicos, así como algo de historia, protocolos, simboloxía, etc, e todo tanto no plano teórico como práctico. Esperamos que vos guste.

 

Solicitudes presentadas no prazo de admisión

  • 4ºEI: 55 solicitudes +1 fora de prazo
  • 5ºEI: 2 solicitudes
  • 6ºEI: 5 solicitudes
  • 1ºEP: 1 solicitude
  • 2ºEP: 2 solicitudes
  • 4ºEP: 1 solicitude
  • 6ºEP: 1 solicitude

Antes do 25 de abril publicaremos a listaxe provisional de admitidos, e antes do 15 de maio a definitiva.

Actividades 8M -"Día Internacional da Muller"

Este ano, para celebrar o Día Internacional da Muller, propoñémosvos que elixades algunha muller e traballedes un pouco a súa vida . Nesta ocasión, contaremos con mulleres relacionadas coa ciencia. Remexede, investigade, e lembrade que hai moito que dicir  "con M de Muller". Na primeira páxina, co seu nome de cor malva,  están as que teñen vídeos para o alumnado máis noviño.

Deixámosvos tamén uns vídeos que teñen que ver con este Día Internacional da Muller.

Por último, se desexades, podedes intentar descubrir de quen falamos na seguinte actividade, coas pistas que damos. Ánimo!

ROSAS A ROSALÍA

Homenaxeamos a Rosalía de Castro cun agasallo moi especial: 24 rosas cos seus poemas das 24 aulas do noso centro, para recordar o 24 de febreiro, a esta escritora  e muller que tanto fixo pola nosa Lingua.

 FELIZ DÍA!!!

Powered by Drupal - Design by artinet