Normalización

O xoves, 23 de abril, co motivo do Día do Libro, o alumnado de Infantil e o de 5º e 6º de Primaria tiveron un encontro co escritor Eduardo de Rojas Rebolledo quen lle leu algún fragmento dos seus libros Kakarracas e El Barcarola e comentoulles como era o proceso de escribir e de publicar un libro.

Agradecémoslle a súa adicación e o seu compromiso coa nosa escola.

Dende o Equipo de Dinamización Lingüística cada semana estamos a propoñer ao noso alumnado que estimen o siginificado dunha serie de verbas de todo o mundo, das que finalmente buscamos o significado correcto e situamos nun planisferio o lugar onde se empregan.

Empezamos polo que está máis preto.

XANEIRO:

• 20/1/2014: MAIÁN: ou brionés, xentilicio de denomina as persoas orixinarias de Brión.
• 27/1/2014: PUPUSA: tortilla de millo de O Salvador

•  3/2/2014: MIRLITÓN: Tamén denominado Kazoo ou Frauta de Bulbo. De Tanzania, Malawi, úsase dende hai tempo en toda África e Europa.

• 10/2/2014: CINGALÉS: persoa e lingua natural de Sri Lanka, tamén se denomina TAMIL ao seguinte grupo en importancia demográfica e a súa lingua.
• 17/2/2014: CABANOSSI: especie de salchicha afumada de porco e tenreira propia de Oceanía.
• 24/2/2014: REEL: Escocia. Baile moi vivo de grupo orixinado entre os montañeses escoceses. O corpo queda ríxido de cintura arriba, realizando pasos vertixinosos cos pés ao tempo que se desprazan polo espazo.

A finais do vindeiro mes contarémosvos as novas palabras que traballaremos en marzo.

No ano de Roberto Vidal Bolaño tivemos a sorte de contar coa visita de Belén Quintáns que foi a súa muller e cofundadora  da compañía Teatro do Aquí. Belén respostou ás preguntas que lle fixemos e así coñecimos mellor a este dramaturgo tan vinculado ao noso concello. A súa obra intensa e xenial perdurará ao longo do tempo

Dámoslle as grazas pola súa amabilidade e polo tempo que nos adicou.