Dende o Equipo de Dinamización Lingüística cada semana estamos a propoñer ao noso alumnado que estimen o siginificado dunha serie de verbas de todo o mundo, das que finalmente buscamos o significado correcto e situamos nun planisferio o lugar onde se empregan.
Empezamos polo que está máis preto.
XANEIRO:
- 20/1/2014: MAIÁN: ou brionés, xentilicio de denomina as persoas orixinarias de Brión.
- 27/1/2014: PUPUSA: tortilla de millo de O Salvador
FEBREIRO:
- 3/2/2014: MIRLITÓN: Tamén denominado Kazoo ou Frauta de Bulbo. De Tanzania, Malawi, úsase dende hai tempo en toda África e Europa.
A súa orixe ven de antigas tribus africanas que o empregaban para comunicarse ou imitar os sons dalgúns animais. Facíanse de cornos de vaca e colocábase unha tea de araña, polo que o sonse distorsoinaba dándolle un aire sobrenatural e máxico.
- 10/2/2014: CINGALÉS: persoa e lingua natural de Sri Lanka, tamén se denomina TAMIL ao seguinte grupo en importancia demográfica e a súa lingua.
- 17/2/2014: CABANOSSI: especie de salchicha afumada de porco e tenreira propia de Oceanía.
- 24/2/2014: REEL: Escocia. Baile moi vivo de grupo orixinado entre os montañeses escoceses. O corpo queda ríxido de cintura arriba, realizando pasos vertixinosos cos pés ao tempo que se desprazan polo espazo.
A finais do vindeiro mes contarémosvos as novas palabras que traballaremos en marzo.