1ºBAC
Atentos/as aos prazos para solicitar as becas de estudio de este ano !!!
- Becas para alumnado de Bacharelato, FP e outros estudos : ATA 1 de OUTUBRO. Ver toda a información.
- Becas para alumnado con necesidades específicas de apoio educativo: ATA 30 de SERTEMBRO. Ver a información.
A Universidade de Santiago de Compostela (Campus de Lugo e Santiago) non quere deixar de acercarse ó estudantado de secundaria e está organizando os "Encontros Virtuais" orientados á estudantes de secundaria e as súas familias e, por extensión, a toda a sociedade.
Os "Encontros Virtuais" da USC, terán lugar a vindeira semana, os días 6, 7 e 8 de abril (luns, martes e mércores de Semana Santa), a través da Web da USC.
Esta páxina Web estará dispoñible dende o sábado, día 4 de abril, na dirección
https://www.usc.gal/gl/encontros-virtuais
A través desta páxina os alumnos e alumnas encontrarán:
o Presentacións das titulacións
o Obradoiros, Retos, etc.
o Opinión de alumnos/as sobre a titulación
o Pílulas relacionadas coa titulación
o Concursos
o Unha VIDEOCONFERENCIA para cada titulación
O estudantado terá un enlace para interactuar por VIDEOCONFERENCIA cos/as responsables da titulación para aclarar as súas dúbidas. No enlace indicaranse os horarios de cada unha das videoconferencias.
Mañá mércores terá lugar o acto oficial de inicio de curso no Ies Xulián Magariños. Contaremos coa asistencia dos alcaldes de Negreira e A Baña e a Inspección Educativa, e o persoeiro homenaxeado será o Profesor Miguel Ángel Santos Rego, catedrático na Universidade de Santiago de Compostela, director do Departamento de Pedagoxía e Didáctica e entre outros moitos galardóns, Premio Nacional de Investigación Educativa en 2008. Impartirá unha conferencia para o alumnado de 4º ESO, Bacharelato e Ciclos Medio e Superior titulada " A Educación diante da sociedade do coñecemento: retos asumibles". Será no salón de actos as 12:30 horas.
Tamén se presentará a X edición do premio de Investigación Humanístico, organizado polo IES Xulián Magariños, que levará o seu nome e está dotado con 300€.
O Concello da Baña pon a disposición dos adolescentes que vaian cursar Bacharelato ou algún ciclo de formación profesional nos institutos e Negreira ou Santa Comba durante o curso 2019-2020 un servizo de transporte para facilitarlles os desprazamento ata os centros escolares.
As familias bañesas que desexen utilizar este servizo deberán poñerse en contacto canto antes coa concellaría de Cultura para comunicar os datos pertinentes e facilitar a organización do transporte para todas as persoas interesadas.
CONSULTAR DATA E HORA DOS EXAMES
IMPORTANTE
As probas realizaranse os días 2 (luns), 3 (martes) e 4 (mércores) de setembro.
Non haberá servizo de autobuses: o alumnado de ESO abandonará o centro ao rematar o exame.
As cualificacións estarán expostas ao público nos paneis de Secretaría do instituto e entregaranse o venres 6 ás 12:00 horas.
O prazo de presentación de reclamacións serán os días 6 (venres), 9 (luns), e 10 (martes).
A resolución de reclamacións será o día 11 (mércores).
FONDO LIBROS. DEVOLUCIÓN LIBROS E SOLICITUDE DE PRÉSTAMO
O alumnado que teña libros prestados do fondo solidario deberá entregalos entre os días 2 e 4 de setembro .
O alumnado que repita 4º ESO poderá solicitar o fondo solidario de libros de texto e material escolar cando efectúe a matrícula
O talento do noso alumnado non deixa de darnos alegrías. A alumna de 4º ESO , Iria Sánchez del Río foi premiada co 2º premio de narrativa no Certame Literario Concello de Ames, co relato titulado "O vestido vermello". Foron 176 traballos presentados así que moitos parabéns para Iria. O certame literario Concello de Negreira otorgou o 1º premio á alumna Lara López Suárez, que se presentou co conto "Atada por amor" , una fermosa historia que nos leva á época de Almanzor no ano 968 e na que se narra a historia de Subh, una concubina valente exemplo de superación e optimismo. O 3º premio foi outorgado a Andrea Losada, alumna tamén de 4º de ESO polo conto "As costureiras de Mondoñedo".
O alumnado do noso centro fixo pleno no certame de pintura do Concello de Negreira. Os tres premios da categoría 13-18 anos foron a parar a Paola Enjo, María Lista e Julián Rey, alumnos de 1º BAC, 1º ESO e 3º ESO respectivamente. Noraboa e que sigades a perfeccionar a vosa formación artística.
Moitos parabéns a este alumnado que demostra como traballando duro se consiguen os triunfos.
O equipo do Club de Debate outro ano máis gaña a Gran Final Galega de Clubs de Debate. Noraboa ao alumnado participante, á preparadora Sara Porrit, a delegada do centro María José e a todos os participantes nesa festa da palabra. Queremos agradecer tamén o incondicional apoio dos compañeiros e familiares que acompañaron o equipo a Pontevedra.
En 2019 se celebran os 500 anos da morte dun xenio, Leonardo Da Vinci. O profesor de representación gráfica da USC, D. Francisco Javier Gómez acudiu ao centro a falar sobre a súa obra, acto enmarcado dentro do programa "A Ponte" da USC, e organizado polos departamentos de Debuxo e Tecnoloxía.
Ao fio dun proxecto do departamento de Educación Física sobre reducir o excesivo peso das mochilas escolares recuperamos o interesantísimo traballo de investigación sobre hábitos saúdables premiado hai dous anos no noso certame de Premio de Investigación Científica. Un interesante estudo que segue a estar mais vixente ca nunca e que foi elaborado por Alba García, Soraya Lorenzo, Alicia Fernández e Nerea Leis. Animámosvos a leelo con calma e facervos as preguntas que nel se facían.
No traballo se estudaban e aclaran aspectos coma:
-Hábitos de sono e descanso
-Hábitos alimentarios
-Tipos de alimentos saudables
-Tempo adicado ao exercicio físico
-Hábitos posturais
-Uso da mochila escolar
-Uso do móbil
-Consumo de tabaco e alcohol
ATENTOS!. Se vos gusta o periodismo, a investigación e a televisión comprometida coa sociedade. As entidades AGARESO (asociación galega de reporteiros solidarios) e Asamblea de Cooperación pola paz desenvolverán un obradoiro de televisión gratuíto para alumnado e profesorado do centro. Dito obradoiro desenvolverase os xoves 7, 14, 21, 28 de febreiro e 7 e 14 de marzo, de 16 a 18 horas dentro do proxecto "Escolas sen racismo, escolas para a paz e o desenvolvemento" do que o noso centro forma parte.
Nas distintas sesións abordarase a parte técnica do proceso audiovisual (cámara, micrófono, iluminación) e tamén a parte dos contidos, partindo da importancia de traballar un bo guión e a variedade de formatos que se poden utilizar, sempre baixo o enfoque da comunicación para o cambio social (temáticas de xénero, medio ambiente, dereitos humanos, etc.) e intentando que o obradoiro sexa unha ferramenta de transformación social para o IES Xulián Magariños e para Negreira.
O alumnado interesado ten dispoñible como adxunto un modelo de autorización que deberá estar asinado polo pai/nai/titor legal no caso de que sexa menor de idade e ser entregado a Orientación ou en Vicedirección.
