Lingua galega e Literatura
O equipo do Club de Debate outro ano máis gaña a Gran Final Galega de Clubs de Debate. Noraboa ao alumnado participante, á preparadora Sara Porrit, a delegada do centro María José e a todos os participantes nesa festa da palabra. Queremos agradecer tamén o incondicional apoio dos compañeiros e familiares que acompañaron o equipo a Pontevedra.
Con motivo do día das Letras galegas 2019 adicado a Antón Fraguas os departamentos de Galego e o Equipo de Normalización e Dinamización Lingüística expoñen diversos traballos realizados polo alumnado sobre a vida e obra deste destacado historiador e etnógrafo e sobre Luis Seoane.
Así mesmo expoñen, no corredor de acceso á biblioteca unha serie de posters que tamén glosa a obra de Antón Fraguas.
Non queremos esquecer outras actividades organizadas arredor da festividade do Día das Letras Galegas como foron a participación no Correlingua 2019 e a asistencia á obra de teatro "made in Galiza" de Sechu Sende feita pola compañía "Os Quinqulláns"
Este domingo é o día de Rosalía de Castro. Na materia de lingua galega o alumnado está a preparar uns pósters coas obras máis coñecidas da autora.
ACTUALIZADO
Queredes pasar medo? Aquí tedes a selección completa dos nosos clásicos "Relatos de Samaín"
Con motivo da conmemoración do día 25 de novembro "Día internacional conta a violencia de xénero" terán lugar dúas actividades ao longo da vindeira semana. O luns 26 haberá un recital poético organizado polo departamento de Galego. Do martes 27 ao venres 30 dentro do programa ·Por 365 días de respecto e igualdade" conducido polo departamento de orientación, no salón de actos poderase asistir a proxección dun ciclo de curtamentraxes de autora nos que se trata o tema da violencia de xénero dende diferentes perspectivas. Aquí tedes o programa:
PROGRAMA DO CICLO DE CURTAMENTRAXES CONTRA A VIOLENCIA DE XÉNERO
O alumnado de 1º BAC asistiu onte en Santiago á proxección da película documental "tódalas mulleres que coñezo" da cineasta Xiana de Teixeiro, acompañado polas profesoras María José García, Pilar Castro e Pilar Mirón.
Máis comentarios alabando a publicación do libro "Xente e Terra de Barcala: letras da mocidade" coordinado dende os departamentos de Xeografía e Historia e Galego. Desta vez trátase do profesor e crítico literario Armando Requeixo, a quen agradecemos dea visibilidade a ese traballo colectivo, digno de admiración e eloxio.
O martes 8 de maio Olalla Liñares dará un obradoiro sobre Xornalismo na Escola ao alumnado de 3º ESO nas dúas horas da tarde.
Compartimos con vos un interesante artigo sobre a famosa Revolucíon dos claveles do 25 de abril de 1974, escrito pola alumna de portugués María Noya.
