ENCONTRO POÉTICO CON MARGA DO VAL

O luns 6 de xuño, pola tarde, Marga do Val estivo no Virxe do Mar cos poemas de A cidade sen roupa ao sol recén gañadora do Premio da Crítica 2010. Falounos da súa poesía,  da experiencia vital arredor da construción do poemario e dos espazos xeográficos e sociais da súa obra para que sexa máis doado achegarnos a ela.  Parabéns polo premio.



X CERTAME LITERARIO DE RELATO DE AVENTURAS ANTÓN AVILÉS DE TARAMANCOS

O venres 27 de maio foi o fallo do X Certame de Relato de Aventuras Antón Avilés de Taramancos convocado polo Concello de Noia e a Casa da Gramática do IES Virxe do Mar. O gañador resultou ser o escritor Antonio Piñeiro coa obra A Dama Fulxente. O xurado, formado por Mariña Pérez Rei, a gañadora da anterior edición, Mercedes Queixas e Vanesa Oliveira, decidiu por unanimidade ao gañador desta edición. O acto estivo presidido polo Concelleiro en funcións de Facenda, Lino García, pola xornalista Vanesa Oliveira e polo director do IES Virxe do Mar e coordinador de Casa da Gramática, Xavier Castro. Parabéns para o gañador.



 

 

 

CERTAME LITERARIO DAS LETRAS

O pasado 19 de maio celebrouse no IES Virxe do Mar o tradicional Certame Literario das Letras que compartimos co IES do Campo de San Alberto. No acto, organizado polo responsable do EDLG do centro, Xan Ferreira, contou coa actuación musical de Mariña Canabal e Julia Dix, lectura de poemas de Lois Pereiro por parte de varios alumnos e alumnas de 1º ESo e Bach e posteriormente a entrega dos diplomas e galardóns aos premiados de ambos centros.

Mariña Fernández Reino deu lectura a acta pola que a partir deste ano o Certame levará o nome de Alberto Romasanta, o noso compañeiro de Historia, recentemente desaparecido. Parabéns a todos e todas.



 

XORNADA CLIMÁNTICA EN PONTEVEDRA

O xoves 26 de maio o alumnado de 4º da ESO do centro viaxou a Pontevedra cos traballos realizados no Obradoiro Climántica neste curso, cordinados pola profesora María Xosé Suárez. No Recinto Ferial de Pontevedra explicaron aos visitantes as súas simulacións feitas sobre cuestións climáticas: desxeo, quecemento da terra, contaminación...Alumnos de diferentes centros galegos participaron tamén cos seus proxectos sobre o medio ambiente na Xornada de Axenda 21. Parabéns a todos polo éxito.



V Copa F.S - ANPA Virxe do Mar

Un ano máis e xa son 5, vaise disputar a V Copa de fútbol sala que organiza a ANPA do noso centro. A novidade deste ano é a incorporación da categoría alevín mixta. Premendo nesta ligazón verás un pequeno dossier do torneo que inclúe os horarios dos partidos.

Se queredes ver bo fútbol sala e animar aos teus compañeiros non deixes de achegarte aos polideportivos de Noia o vindeiro domingo 29 de maio.

 



VIII PREMIO LITERARIO CONCELLO DE AMES

  Ismael Ramos Castelo vén de ganar dous novos premios literarios, nesta ocasión os do Concello de Ames

Narrativa

1º premio:

  • Título: Zume con cabezas

en Poesía

1º Premio

  • Título: da vez que fomos poetas

Parabéns, de novo, para o autor.



Distribuir contido