FÚTBOL GAÉLICO

O mércores 23 de maio nas clases de Educación Física do alumnado de 4º da ESO, contamos coa presenza de Juan, que nos ensinou un deporte descoñecido para moitos. O fútbol gaélico. Deporte con moito arraigo en Irlanda, e que agora está empezando a ter presenza en Galiza.

Achegamos unhas imaxes para que observedes cómo aprendemos nestas clases. Grazas Juan.

Estase a formar un equipo de fútbol gaélico no Val Miñor. Por se alguén está interesado.

PARA VER AS FOTOS E VÍDEOS  CLICA AQUÍ

Vídeo explicativo deste deporte por se queredes saber máis

CELANOVA 2018

O alumnado de 3º da ESO viaxou a Celanova a finais de abril. Alí gozaron coas lecturas de poemas de Curros Enríquez e Celso Emilio Ferreiro. Asistiron a un concerto didáctico de órgano na igrexa de San Rosendo, visitaron a casa dos Poestas e a Torre comarcal de Vilanova dos Infantes. Unha xornada completa, interesante e entretida.

Se queres ver máis imaxes do que alí aconteceu CLICA AQUÍ

RUGBY EN PRAIA AMÉRICA

O alumnado de 1º de Bacharelato, despois de realizar unha unidade didáctica de rugby flag no instituto, realizou unha xornada especial de rugby na praia, o martes 22 de maio. Da man da Federación Galega de rugby e o Vigo rugby club. Agradecemos a súa xenerosidade, para que esta xornada fora posible, pois foi dun aproveitamento máximo. Se queredes observar o que alí aconteceu podedes clicar nos seguintes enlaces.

Para ver as FOTOS CLICA AQUÍ

E para ver o VÍDEO CLICA AQUÍ

VIAXE A KÖLN 2018

O alumnado de 4º da ESO que remata os seus estudos de alemán no instituto, este ano. Realizou unha viaxe a Köln, do 9 ao 12 de maio.

Se queredes ver as fotos CLICADE AQUÍ e para ver o vídeo CLICA AQUÍ

SAÍDA AS PISTAS DE TENIS DAS DUNAS DE GAIFAR.

O 24 de abril o alumnado de 3º da ESO, disfrutou dunha xornada de tenis, nas instalacións deportivas municipais das Dunas de Gaifar. O centro como en anos anteriores, contou coa cesión dun pack de raquetas, por parte da federación galega de tenis,  que permitiu que se impartise na asignatura de educación física unha unidade didáctica deste deporte.

Esperemos poder volver a repetir esta experiencia o próximo curso.

ESTE ANO FORON 10 DÍAS DE FROITA

Un ano máis, o centro participa no programa de reparto de froitas nos centros educativos. Coa novidade de que este ano foron 10 días consecutivos.

O alumnado de 1º da ESO na súa asignatura de Promoción de Estilos de vida saudable, foi o encargado de organizar este reparto. Pois estanse a traballar na aula nestes momentos, conceptos de nutrición.

A aceptación da actividade foi moi boa. A colaboración do profesorado e alumnado imprescindible e de agradecer. E a gran protagonista. A FROITA.

COMO RAPACES E RAPAZAS CON ZAPATOS NOVOS. ESTAMOS ESTREANDO MATERIAL. APRENDENDO UN NOVO DEPORTE O KIN BALL

En 1º de Bacharelato estamos aprendendo un deporte alternativo que se chama Kin Ball.

VISITA AO PERGAMIÑO VINDEL

O alumnado de 1ºBACH, visitan o Pergamiño Vindel no Museo do mar, o xoves 22 de febreiro

O alumnado do IES Val Miñor visitou o Museo do mar para coñecer o Pergamiño Vindel, tesouro da nosa cultura galego-portuguesa, por ser o único texto medieval que recolla a notación musical de seis cantigas de amigo de Martín Códax, xograr do século XIII, probablemente de Vigo.

Asistiron primeiro a unha interesante explicación sobre os materiais empregados na elaboración do Pergamiño; puideron comprobar as dificultades da escrita naquel tempo. A continuación percorreron a exposición arredor do Pergamiño Vindel e a súa época.

Unha xoia que permanecerá entre nós ata marzo, mes no que retornará a Library Morgan de Nova York.

AFRICA GONZÁLEZ RECOLLE O PREMIO MULLER CIENTÍFICA IES VAL MIÑOR 2018

O luns 19 de febreiro ás 17:00 horas África González, catedrática na Universidade de Vigo e presidenta da sociedade española de Inmunoloxía recolleu o premio MULLER CIENTÍFICA  IES VAL MIÑOR 2018. Rodeada de toda a comunidade escolar deste centro educativo, de autoridades ,  de compañeiros e compañeiras científicas do CSIC, do Oceanográfico de Vigo e de familiares agradeceu o agasallo ao mesmo tempo que nos deleitou cunha magnífica conferencia sobre muller e ciencia.

Powered by Drupal - Design by artinet