Skip to Content

ACTIVIDADES EXTRAESCOLARES

O samaín e algúns personaxes terroríficos

Xa se achega o Samaín!
Así que, para celebralo como é debido, compartimos con vós este polítptico elaborado polo Departamento de Lingua Galega.
Nel poderedes atopar a explicación desta nosa tradición que, desde os 90, demos en chamar xenericamente Samaín e a inspiración para vos disfrazar, porque, aínda que os disfraces non formen parte, estritamente, da nosa tradición, se non vos podedes resistir, si que podedes inspirarvos en figuras terroríficas de noso. E hai moitas!!
 
Pasádeo ben!
 
Fai clic no cartel

Alumna premiada por Inspiraciencia

    O IES Plurilingüe Terra de Turonio quere dar os parabéns publicamente á súa alumna Brezo Verea Nieto que acaba de recibir, o pasado sábado 9 de setembro en Barcelona, o "PREMIO ESPECIAL "INTELIGENCIA ARTIFICIAL" en lingua galega na categoría de persoas mozas, convocado por Inspiraciencia.  
 
 
    O relato de Brezo Verea, titulado "INDA QUE O ALGORITMO FALLE...", foi ademais teatralizado durante o acto de entrega dos premios. Trátase dun relato moi humano, a pesar de que a súa protagonista non é de carne e óso.
    Brezo Verea, obtivo tamén, no mes de maio, o segundo premio de poesía da categoría B no Certame Beatriz da Serra en que participa todo o alumnado de Ensino Obrigatorio e Post-Obrigatorio do Val Miñor.
 
               
 
    Inspiraciencia, tal e como se define na súa web, "é unha iniciativa que relaciona ciencia e escrita de maneira lúdica, un espazo aberto para pensar e imaxinar a ciencia desde a ficción". Cada ano convoca un certame de relato de ámbito estatal, en catro linguas do Estado: galego, éuskaro, catalán e español.
 
Podedes ler o relato no seguinte enlace: https://inspiraciencia.es/es/premiados
 

8 de marzo 2021

O grupo de igualdade e diversidade,   A S ,   quixo visibilizar este 8 de marzo, a loita das mulleres trans, un colectivo dobremente oprimido, por seren mulleres e por seren transexuais.

 

  

    

Radio Turonio celebra o Día Mundial da Radio 2021

Baixo o lema  "Novo mundo, nova radio"  proposto pola UNESCO para a celebración deste día, Radio Turonio súmase á convocatoria realizada por Ponte...nas Ondas! cunha programación e un vídeo-presentación da radio do centro.

Aqui podedes escoitar os podcasts feitos para este día

 

E este é o vídeo presentación

 

Charla da axencia de doazón de órganos e sangue

 

O mércores 27 de xaneiro o alumnado de terceiro da ESO do noso instituto recibiu unha charla impartida pola axencia de doazón de órganos e sangue galega. Foi unha videoconferencia moi entretida e interesante na que ademáis de recibir información emocionámonos co testimonio de Celso, un transplantado de ril xa fai 26 anos. 

Cadro actividades mensuais Curso 2019-2020

No arquivo adxunto pódese descargar o cadro coa programación mensual de actividades Complementarias e Extraescolares.

Certame de Poesía Breve Beatriz da Serra

A nosa alumna Brezo Verea Nieto gañou o segundo premio do Certame de Poesía Breve Beatriz da Serra, convocado por varios centros educativos do Val de Miñor, incluído o Terra de Turonio.
Desde aquí queremos darlle os parabéns e compartir con todos vós o seu magnífico poema.
 
Eu prefiro ser a nena
que corre por estas lombas
que monta no seu cabalo
que chora se a provocan.
Eu non quero ser princesa
quero ser unha amazona
quero xogar coas amigas (amigos, amigues)
quero voar coas gaivotas.
 
 
 

NON Á GUERRA

"O IES Terra de Turonio súmase ao enorme número de Centros educativos que durante estes días, e debido á triste realidade coa que seguimos a convivir neste século XXI, queren seguir proclamando o seu máis profundo rexeitamento contra a violencia a través dun rotundo "NON Á GUERRA"
Mediante un sinxelo acto celebrado no patio, o alumnado presentou as súas pancartas, leu as súas opinións sobre os conflitos bélicos e sobre o acontecido estes días en Ucrania, e gardou un respectuoso minuto de silencio en memoria das vítimas de todas estas guerras. Tamén foi aproveitada a ocasión para facer unha colecta solidaria co fin de enviar os cartos a "Save the Children", por ser unha das ONG que traballan estes días de xeito máis activo no conflito. Agardemos que este tipo de actos sirvan para concienciar aos rapaces e evitar así que as guerras sigan acontecendo o día de mañá.

 

Máis fotos en adxuntos

 

Distribuir contido


by Dr. Radut