Skip to Content

PROCESO DE ADMISIÓN PARA O CURSO 2024-2025

1. PROCEDEMENTO DE RESERVA PARA CENTROS ADSCRITOS curso 2024-25

-A quen está dirixido :

  • ao alumnado dos centros de primaria adscritos ao IES Terra de Turonio que  cambian de etapa e entran no instituto en 1º de ESO 
  • ao alumando de 4º de ESO do IES Terra de Turonio que queiran facer reserva de praza en Auga da Laxe para cursar 1º BACH

 

-Prazo de presentación de solicitudes:  

do 15 de xaneiro ao 5 de febreiro de 2024

 

-Forma de presentación de solicitudes:

a) Sede Electrónica procedemento ED550A. Precisarase a Chave365 ou certificado dixital.

b) Presencial no centro no que estea matriculado actualmente o alumnado. haberá solicitudes en papel na secretaría do centro.

Acceso á aplicación :   admisionalumnado

 

-Publicación de listaxe do alumnado con posto reservado: 22 DE FEBREIRO (tanto no centro de orixe coma no centro de destino)

 IMPORTANTEInformamos que todo o alumnado que solicitou reserva dos centros adscritos están admitidos. Pode consultarse a listaxe no taboleiro interior do centro.

2. PROCEDEMENTO DE SOLICITUDES ORDINARIAS DE ADMISIÓN curso 2024-25

-A quen está dirixido :

A Solicitude de admisión ordinaria está dirixido ao alumnado que queira facer un un cambio de centro ao que non está adscrito.

Non se poden facer conxuntamente Reserva de praza e Solicitude de admisión. Hai que facer previamente unha renuncia á reserva de praza, no caso que se fixese esta, para poder facer admisión ordinaria

 

-Prazo de presentación de solicitudes:

Do 1 ao 20 de  marzo de 2024

- Forma de presentación das solicitudes  

a) A solicitude preséntase no centro ao que se quere acceder como primeira opción na sede electrónica polo procedemento ED550B na aplicación  admisionalumnado 

Hai que clicar na solicitude de admisión ordinaria.

b) Nas secretarías dos centros ao que queira acceder.

 

-Publicación de listaxes provisionais de admitidos e non admitidos:

25 de abril de 2024  

 

3. PROCEDEMENTO DE SOLICITUDES EXTRAORDINARIO  curso 2024-25 

-A quen está dirixido: 

No caso do alumnado que perdese o dereito a participar no procedemento, por solicitudes afectadas por irregularidades ou deficiencias ou as presentadas fóra de prazo.

-Prazo de presentación de solicitudes e resolución

  • Entre o  21 de marzo e o 25 de abril de 2024. Adxudicaranse as prazas despois da adxudicación subsidiaria das solicitudes de admisión ordinaria que non fosen resoltas no seu prazo.
  • Despois do 25 de abril ata o 31 de agosto. Farase a adxudicación ao incio das atividades lectivas

     - Forma de presentación das solicitudes  

a) A solicitude preséntase no centro ao que se quere acceder como primeira opción na sede electrónica polo procedemento ED550B na aplicación  admisionalumnado 

Hai que clicar na solicitude de admisión extraordinaria.

b) Nas secretarías dos centros ao que queira acceder.

PROGRAMA YAM : XUVENTUDE CONSCIENTE DA SAÚDE MENTAL

 

 

 

A Consellería vén de comunicarnos que o noso centro foi seleccionado no programa YAM dirixido poboación escolar galega de 3º da ESO

Este programa forma parte do Protocolo de prevención e actuación nos ámbitos sanitario e educativo ante o risco suicida infanto-xuvenil da Consellerías de Educación e de Sanidade, sendo cofinanciado polo Fondo Social Europeo +.

YAM significa Xuventude Consciente da Saúde Mental É un programa de promoción universal da saúde mental YAM invita a reflexionar sobre diferentes situacións e a considerar enfoques distintos cando un/ha se enfronta aos retos da vida ou a problemas de saúde mental. O programa VAI DIRIXIDO A PODER PRESTAR APOIO AOS COMPAÑEIROS/AS E A PODER PEDIR AXUDA CANDO A PRECISAMOS.

Proximamente haberá unha convocatoria de reunión das familias de 3º de ESO cun instrutor do equipo YAM para informar sobre a actividade a realizar polo alumnado. Como somos un centro de CONTROL, basicamente se lle pasarán unhas enquisas  ao alumnado de 3º, para as que se precisa o consentimento informado das familias, e para o curso que vén poderán participar na formación.

Premer no enlace para unha información máis completa

YAM- Consellería de sanidade-Servizo Galego de Saúde (sergas.es)  

 

 

CHARLAS INFORMATIVAS

  • CHARLA INFORMATIVA PARA AS FAMILIAS DO ALUMNADO DE 3º DA ESO: XOVES 18 DE XANEIRO ÁS 18:00 EN AUDIOVISUAIS DO CENTRO. A cargo dos técnicos do programa YAM onde explicarán en que consite a explicación de dito programa.

 

HORA LECTHORA

Como todos os anos, no centro púxose en marcha a Hora Lecthora, que está contemplada como unha actividade de fomento á lectura no Plan Lector de centro. O alumnado debrá traer unha lectura voluntaria para ler nesa hora.

Presentamos o calendario desta hora ata fin de curso.

CICLO MEDIO GUÍA NO MEDIO NATURAL E TEMPO LIBRE

No díptico que se mostra pódese acceder a toda a información sobre a impartición do ciclo medio Guía no medio natural e tempo libre.

É un ciclo medio LOE de 2000h, repartidas en dous cursos. No 2º curso realízase a formación en centros de traballo (FCT) no último trimestre.

IMPORTANTE:

Dadas as características dos módulos deste ciclo, moitos deles impártense fóra do propio instituto:

-natación: piscina do CUVI

-cabalos: picadeiro Abraín en Vincios

Outros módulos teñen unha duración de varias horas seguidas como as prácticas de bicicleta ou media montaña e tamén implican algunha saída de varios días.

Acceder a toda a información de proceso de admisión a ciclos nesta páxina web na pestana de  ciclo e admisión a ciclo. Aí están todos os enlaces con toda a información.

 

INFORMACIÓN DOS CRITERIOS DE PROMOCIÓN E TITULACIÓN. DECRETO 156/2022

No ficheiro adxunto podedes consultar os criterios de promoción de titulación segundo o Decreto 156/2022 vixentes para 1º e 3º de ESO no curso 2022-2023.

EXPOTURONIO CURSO 2022-2023

Este ano  recuperamos EXPOTURONIO, un lugar onde podemos compartir ao longo da mañá do día 7 de xuño experiencias e actividades de traballos realizados ao longo do curso. Un espazo aberto a toda a comunidade educativa cheo de ciencia, cultura, coñecemento e diversión.

 

 

 

 

CALENDARIO FIN DE CURSO

En adxuntos podedes ver o calendario final de curso.

Premios extraordinarios da ESO ao rendemento académico curso 22-23

Publicouse a convocatoria no DOG do 14 de abril dos premios ao rendemento académico

Pode acceder á información desta convocatoria na sede electrónica da Xunta de Galicia (https://sede.xunta.gal), introducindo na caixa de busca o código de procedemento ED311D ou ben  en PremiosEdu (https://www.edu.xunta.gal/premiosedu/).

No PDF adxunto achégase resumo de información de todo o proceso

 

ABERTO O PRAZO DE SOLICITUDES BECAS DO MEC PARA O CURSO 23/24

Informamos que está aberta a convocatoria de bolsas xerais para os estudo de niveis porstobrigatorios (bacharelato e FP básica)

O prazo de solicitudes é do 27 de marzo ata o 17 de maio.

É importante que o alumnado intersado pida a beca neste prazo aínda que non saiban que van estudar nin onde ou se van seguir estudando xa que de non facelo, non poderán perdir depois becas para o curso 23/24.

Tamén lembramos que aquel alumnado que sexa candidatos a cursar a FP básica no curso que vén tamén deben solicitar esta bolsa dentro do prazo establecido.

No seguinte enlace podedes obter toda a información aquí

 

Distribuir contido


by Dr. Radut