• Alumnado que cursa segundo curso e ten pendente a materia de Economía de primeiro.

• Alumnado de cambio de modalidade que deba cursar a materia de primeiro. (Artigo 30. Resolución do 26 de maio de 2022, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de educación infantil, educación primaria, educación secundaria obrigatoria e bacharelato no curso académico 2022/23).

O alumnado que se matricule no curso académico 2022/23 no segundo curso do bacharelato e teña materias pendentes de primeiro curso ou teña que cursalas como pendentes poderá recuperalas durante o curso 2022/23 co currículo da materia que se extingue. De non superalas durante ese curso, a partir do curso 2023/24 terá que facelo co novo currículo nas condicións que se determinen (Disposición transitoria segunda. Resolución do 26 de maio de 2022).

O Departamento Economía propón na aula virtual un plan de traballo con expresión dos contidos mínimos esixibles e as actividades recomendadas. O alumnado deberá realizar unha proba escrita e entregar as tarefas propostas durante as datas previstas para a primeira e segunda avaliación de 2BAC.

No caso de non superar as probas parciais o alumnado será convocado a unha proba final (Artigo 11. Orde do 20 de maio de 2022) que se adecuará ás datas previstas para a ABAU e que versará sobre a totalidade dos contidos. Neste caso a cualificación estará composta exclusivamente polo resultado da proba final (PE) proposta (aplicarase ao resultado final o redondeo explicado e recollido na programación).

Os instrumentos de avaliación a empregar serán:- Táboas de Indicadores (TI) sobre as actividades propostas na aula virtual -que computarán un 30%-- Probas Escritas (PE) que serán aplicadas no primeiro e segundo parcial -e computarán o 70% da nota-.

O procedemento de avaliación será:A cualificación da primeira e segunda avaliación calcularase como suma ponderada das cualificacións obtidas pola aplicación dos instrumentos de avaliación referidos.

Entenderase superada a avaliación cando o alumnado obteña unha cualificación igual ou superior a 5, unha vez aplicados os criterios anteriores. Nas distintas avaliacións a nota reflectida no boletín será a parte enteira da nota ponderada.

A cualificación da 3ª Avaliación parcial calcularase como media aritmética das cualificacións, sen redondear, das anteriores avaliacións parciais. Entenderase que o alumnado supera a materia cando obteña unha cualificación, aplicado o redondeo, de mínimo 5.