Varios

El valor de la ciudadanía: la educación como fundamento del futuro en Europa

Mar, 15/01/2019 - 07:55 — admin2

Creouse un espazo na biblioteca do Centro sobre temas relacionados con Europa.

A idea dunha Europa común é a que anima una serie de actividades do noso centro, e que durante estes dous cursos polariza o traballo dun grupo de alumnos e alumnas de 1º de Bacharelato e algún e algunha de 4º de ESO.

Os primeiros títulos xa están á vosa disposición e intentan responder á pregunta sobre as orixes da Unión Europea. Pensadores e políticos que ao longo do tempo foron forxando a idea dunha Europa en paz, unida con valores supranacionais que respectaran e defenderan as distintas singularidades; tamén hai sitio para outros pensadores que criticaron e denostaron esa mesma idea de Europa. Coñecer os distintos puntos de vista é paso necesario para poder orientar o noso propio.

Entre estes primeiros pensadores atoparedes nomes universais e figuras moi importantes na historia precedente que ademais tiveron un papel moi singular en prol da defensa dun futuro en común e o fomento de valores colectivos de cooperación e desenvolvemento: Churchill, Adenauer, Schengen, Schuman, Salvador de Madariaga ou Ortega y Gasset forman parte xa dun rincón da nosa bilblioteca adicado á nosa realidade pasada, presente e futura.

J. Manuel Yáñez Dablanca

Coordinador de proxectos europeos

blogue de admin2

Concurso de postais de Nadal en francés

Ven, 11/01/2019 - 09:47 — admin2

O Departamento de Francés organizou no mes de decembro un concurso de postais de Nadal para o alumnado de 1º de ESO.

Os traballos foron expostos nun taboleiro na biblioteca e o martes 18 de novembro entregouse un agasallo aos gañadores, Lucía Fernández Fraga (1º ESO-C) e Ramón López Ondina (1º ESO-A). Noraba aos premiados!

Visita do Apalpador

Ven, 11/01/2019 - 09:41 — admin2

Convidado polo noso compañeiro David Faro Domínguez, o venres 21 de decembro tivemos a honra de recibir ao Apalpador, que percorreu distintas dependencias do centro e visitou ao profesorado e ao alumnado de 1º da ESO para facerlle entrega dos seus agasallos.

Agradecémoslle encarecidamente o galano que deixou para a nosa biblioteca: tres exemplares (en galego, portugués e castelán) do libro A utilidade do inútil, manifesto tan necesario nos noso tempos para rexeitar a actual ditadura do beneficio e do utilitarismo e apostar polos coñecementos que nutren o espírito: a filosofía, a música, a literatura, a arte…Grazas, David!

.

O NADAL NA BIBLIOTECA

Xov, 06/12/2018 - 13:57 — mirian

O NADAL NA BIBLIOTECA

Un ano máis, conmemoramos o Nadal cunha festiva árbore de enciclopedias adornada coa colaboración do alumnado axudante.

Novo epígrafe na sección biblioteca

Mér, 05/12/2018 - 15:56 — admin2

Información xeral

No Proxecto Anual da biblioteca para o curso 2018-19 recolliamos a necesidade de difundir a través da rede tanto o coñecemento e funcionamento da nosa biblioteca como os recursos de que dispón (tanto para os usuarios como para o público en xeral). Con este fin engadimos un novo epígrafe no apartado da Biblioteca na web do instituto baixo o nome “Información Xeral”. Nel atopamos información sobre diversos aspectos: lexislación, normas, horario, usuarios, distribución do espazo, organización e xestión dos fondos, recursos dispoñibles, etc…

http://www.edu.xunta.gal/centros/iesribadeo/?q=node/462

blogue de admin2

Día Internacional para a Eliminación da Violencia de Xénero

Mér, 05/12/2018 - 15:54 — admin2

Coincidindo coa conmemoración do Día Internacional para a Eliminación da Violencia de Xénero o día 25 de novembro a Biblioteca quixo sumarse ao acto coa incorporación de novos títulos á sección de Literatura Feminista, coa firme crenza de que a educación na igualdade é un dos pilares para erradicar esta lacra social.

Confiamos en que estes libros sexan unha ferramenta habitual de traballo para os distintos departamentos.

Están á vosa disposición na biblioteca do centro.

.

blogue de admin2

3.3

Mér, 05/12/2018 - 06:55 — admin2

Co gallo de conmemorar o Día da Constitución, o alumnado de 2º de ESO A participou na elaboración dun vídeo que ten como obxectivo promover a concienciación sobre a importancia da diversidade lingüística como algo que merece especial respecto e protección.

É unha iniciativa do Equipo de Dinamización Lingüística.

Peça a peça. Actividade de portugués

Xov, 22/11/2018 - 09:15 — admin2

Cathia Capelán Díaz , do Departamento de Lingua Portuguesa, deseñou a actividade “Peça a peça” para 4º da ESO e púxoa en práctica o pasado 20 de novembro. Trátase dun xogo cooperativo e dinámico no que o alumnado fai parte activa da biblioteca e aprende ao mesmo tempo.

Dinámica:

• Consiste en completar un puzzle obtendo previamente as diferentes pezas que o compoñen.(O puzzle realizouse utlizando un cartaz de Plambe sobre as Bibliotecas Escolares)

• A profesora realizou previamente unha selección de libros da literatura galega e portuguesa e colocou as diferentes pezas agochadas nas súas páxinas.

• Tras atopar os libros, aos que se chega a través dunha serie de pistas, o alumnado recompilou todas as pezas e completou o puzzle.

Obxectivos:

• Coñecer as diferentes seccións en que está distribuída a biblioteca: hemeroteca, linguas (galego, portugués…), sociolinguística…

• Identificala cun lugar para aprender dun xeito divertido e para descubrir magníficas obras literarias.

• Empregar as TAC (tecnoloxias da aprendizaxe e do coñecemento) para a súa investigación inicial inicial nos ordenadores da biblioteca.

• Perfeccionar o seu nivel en lingua portuguesa e aprender novo vocabulario coa resolución das pistas e a posterior lectura e escrita selectiva dalgún fragmento dos libros.

Hora de ler

Lun, 12/11/2018 - 13:37 — admin2

No curso 20187-2019 iniciamos o proxecto Hora de Ler, recollido no Proxecto Lector do centro. A Hora de Ler supón un tempo reservado á lectura dentro do horario lectivo na que participan todos os grupos de alumnado da ESO. A súa finalidade é a de axudar a crear hábitos de lectura, desvinculándoa das materias puramente lingüísticas. Realizarase durante 20 minutos dunha clase á semana, segundo estableza o Plan Anual de Lectura e desenvolverase na aula, onde o profesorado tamén estará lendo e exercendo como modelo lector.

Samaín

Mér, 31/10/2018 - 16:00 — admin2

Con motivo do Día da Biblioteca e aproveitando a cercanía do Samaín, organizamos unha sinxela exposición de libros co motivo desta festa tradicional dende o 24 de outubro e ata principios de novembro.