O NOSO CENTRO NO PLAN PARA O CONSUMO DE FROITA, 2017
Somos FROITOPÍA! ENLACE Á NOSA GALERÍA
Cada recreo hai unha peza de froita de balde agardándote grazas a este proxecto!
Unha alimentación equilibrada é fundamental nun estilo de vida san, por iso é recomendable coñecer dende moi novos a importancia duns hábitos alimenticios adecuados. É unha tarefa importante da familia que se pode reforzar na escola como tema transversal de diferentes materias, sobre todo se o centro posúe comedor escolar.
Os cambios no estilo de vida debido a factores como a incorporación da muller ó traballlo, a industrialización, a aparición de comidas rápidas e precociñadas,… repercutiron nos hábitos de alimentación e na menor realización de actividade física o que provoca enfermidades en idades cada vez mais temperás como obesidade, elevado colesterol, hipertensión,… Todas estas enfermidades soen darse por excesos en comidas pouco saudables, polo que unha boa educación correxiría gran cantidade delas ou polo menos retrasarían a súa aparición.
Cos avances tecnolóxicos, cada vez hai máis produtos insanos e procesados, polo que sempre é recomendable usar produtos naturais para asegurarmos de saber o que tomamos, de que é algo san e por outra banda contribuír a conservar o medio ambiente.
Estes e outros coñecementos nos gustaría transmitir ós alumnos do noso centro mediante unha serie de actividades enfocadas á adquisción de hábitos alimenticios saudables. Os grupos propostos sería 1º da ESO na materia de Atención educativa, 2º da ESO en Educación para a Cidadanía e 1º de BACH na materia de Tecnoloxías da Información e a Comunicación co fin de acadar os seguintes obxectivos:
OBXECTIVOS
O obxectivo principal será o promover hábitos alimenticios saudables na escola e na casa.
Reflexionar sobre os seus hábitos alimenticios e ser capaces de modificarlos.
Sensibilizar da importancia dunha dieta equilibrada e a relación directa desta co estado de saúde.
Fomentar o consumo de alimentos frescos e non procesados.
Coñecer máis conceptos relacionados coa tecnoloxía dos alimentos.
Coñecer a etiquetaxe de productos
Recoñecer as diferentes necesidades de nutrientes nos diferentes estadíos da vida, facendo fincapé nas necesidades dos adolescentes.
Coñecer patoloxías relacionadas coa alimentación, especialmente as relacionadas cos trastornos da alimentación.
Ensinar a detectar publicidade enganosa de productos mediante exemplos concretos.
Sensibilizarse e coñecer o problema da fame no mundo.
Durante 4 semanas tres profesores do centro (Ángeles Ríos, Sonia Bergantiños e Manel Yáñez) coa colaboración do alumnado de 1º e 2º ESO e 1º BACH, distribuiremos froita fresca subvencionada polo FOGGA durante os períodos de recreo, na recta final dun proxecto que chamamos FROITAS Á EXAME!, pero que levamos traballando xa desde o principio de curso.
Este proxecto máis amplo pretende inculcar no noso alumnado hábitos de vida saudable, Estes hábitos non só se refiren á alimentación, senón tamén á limpeza, reciclaxe e conviencia.
