MÁIS IMAXES DA ACTIVIDADE NA NOSA GALERÍA
O día 19 de decembro, o alumnado de 2º de ESO participou nuns obradoiros impartidos por Solidariedade Internacional que teñen por lema VAIA TEA!, cos que se trata de sensibilizar sobre o consumo responsable.
Baixo o metafórico título de VAIA TEA! preténdese promover a reflexión e crítica entre a comunidade escolar galega do modelo de consumo actual, dar a coñecer as súas consecuencias inmediatas e as máis distantes, así como informar, formar e ofrecer recursos para exercer un consumo máis responsable e ético.
Onde e como se produce a roupa e o calzado que vestimos, que empresas idean e fabrican estes complementos, que consecuencias teñen estas producións masivas para os países onde se sitúan e para os seres humanos que se utilizan para elaboralos forn aspectos que o alumnado descubriu nestes obradoiros.
Coordinou a actividade no centro Manel Yáñez, do departamento de Filosofía.
