OS INTERCAMBIOS CON EUROPA COMO MODELO DE APRENDIZAXE
O profesor Manel Yáñez, do departamento de Filosofía, fai estas reflexións sobre o intercambio que coordina desde hai anos cun centro de Alemaña.
A aposta que o noso centro fai por Europa renóvase cada curso co intercambio que temos co KARL VON FRISCH GYMNASIUM de Dusslingen (Stuttgart, Alemaña). A necesidade de apertura a outras nacións, o coñecemento destas e a posibilidade de futuro que representan as diversas institucións da Unión Europea conforman os obxectivos que perseguimos con estas actividades.
De forma concreta o coñecemento do sistema educativo dun país veciño, a realización de actividades culturais e artísticas en conxunto, a asistencia a clases no centro socio e a convivencia coas familias cremos que enriquecen a perspectiva cultural e académica do noso alumnado, fomentan o seu interés polo contexto sociopolítico no que viven, e sitúaos nunha perspectiva máis positiva e favorable para a súa formación.
| Adxunto | Tamaño |
|---|---|
| OS INTERCAMBIOS CON EUROPA COMO MODELO DE APRENDIZAXE.pdf | 7.91 KB |
