Varios

"Nomeámolas. Existimos!" 8 de marzo: Día internacional das mulleres.

Xov, 17/03/2016 - 20:11 — admin

[Alumnado do Comité Lila coa súa coordinadora, a profesora Teresa González Piñeiroa. Podes ver os vídeos do seu último traballo premendo nas imaxes que hai despois do texto ou nos seguintes enlaces]

[VÍDEO 1ª PARTE] - [VÍDEO 2ª PARTE]

Celebramos o 8 de marzo cun magnífico acto organizado polo “Comité lila”.

Despois da lectura colectiva dun texto da feminista Nuria Varela, vimos unha montaxe audiovisual de apenas 22 minutos pero que ten detrás horas de traballo previo: investigar, escoller información, caracterizarse, gravar, montar, ...

Como resultado, temos información e recreación da vida de trece mulleres destacadas de distintas épocas e lugares, entre elas a nosa alumna María Redondo, capitá da selección galega de fútbol sala sub 17, que recentemente se proclamou campioa de España.

Leer máis

Entroido 2016

Ven, 12/02/2016 - 14:44 — admin

O venres, día 5 de febreiro, celebramos o entroido.

[PREME NA IMAXE PARA VER O VÍDEO]

O inverno na biblioteca

Sáb, 06/02/2016 - 15:14 — admin

Estamos no inverno e na biblioteca temos unha exposición de libros que teñen algún tipo de relación con esta época. É un xeito máis de animar á lectura. Coordinou a iniciativa a profesora Susana Díaz Orol.

Día mundial dos humedais, 2016

Mér, 03/02/2016 - 14:05 — admin

O alumnado de 4º de ESO que cursa bioloxía, xunto coas profesoras Lorena e Susi, aproveitamos parte da mañá do luns para facer unha saída á Ría e celebrar así o Día Mundial dos Humedais (2 febreiro). Tivemos moita sorte co tempo xa que a mañá foi espléndida (nin vento, nin frío, nin chuvia) e ademais acompañounos Óscar Chao, antigo alumno é gran ornitólogo

Nas distintas paradas que fixemos, puidemos observar... [LER MÁIS] [FOTOS]

1 adxunto

Somos un mundo de xente. Espazo lila

Lun, 01/02/2016 - 07:01 — admin

Proveitamos a celebración do Día da Paz para levar a cabo dúas iniciativas que teñen certa relación con iso e que nós denominamos "Somos un mundo de xente" e "Espazo lila", respectivamente.

SOMOS UN MUNDO DE XENTE é unha homenaxe á diversidade que temos dentro do noso centro, con alumnado procedente dunha ducia de países distintos. Queremos que iso se vexa como unha riqueza e non como un problema, e por iso celebramos un acto simbólico consistente en que o alumnado con orixe en países de fóra fose colocando a bandeira do seu Estado nun gran mapa mundi que colocamos nun espazo común do centro.

ESPAZO LILA é unha iniciativa que ten como obxectivo sensibilizar a comunidade educativa dos problemas que afectan ás mulleres na actualidade: peores condicións laborais, violencia, discriminación, ... Pretendemos que isto sexa motivo de atención e reflexión constante e non só en datas sinaladas, como poden ser o 25 de novembro ou o 8 de marzo. Para iso, pintamos de lila unha superficie considerable dun espazo común do instituto, rotulámola como "Espazo lila" e aí iremos colocando información diversa relacionada co tema. VÍDEO MÁIS IMAXES

Leer máis

Pescudando nas orixes da materia: o bosón de Higgs no CERN

Mér, 20/01/2016 - 16:50 — admin

15 de xaneiro de 2016

Cibrán Santamarina Ríos, investigador e profesor da Universidade de Santiago de Compostela (tamén participante no Grupo de innovación docente en Física FISTERRA) estivo de visita no IES impartindo a charla “Pescudando nas orixes da materia. O bosón de Higgs no CERN”, unha introdución á física de partículas que tamén cubriu o descubrimento do bosón de Higgs.

Unha presentación diferente dunha parte da física, dende aspectos que se estudan no ensino medio como as ligazóns entre átomos a outras que só se citan no curso máis avanzado, como os quarks, ou aínda outras que non soen nin citarse, como os bosón W ou os gluóns.

A charla, a segunda que o programa A Ponte puxo a disposición do IES este curso, supuxo un repaso da historia da física do moi pequeno dende o século XIX ata os nosos días. Unha conferencia que agradou a moitos dos que asistiron (non puidemos comprobar se a todos) e que esperamos poida ter secuela, tanto noutras charlas vindeiras como nos estudos dalgunhas das persoas que atenderon e na visión do mundo de todas elas.

Premio poesía Nadal

Ven, 15/01/2016 - 06:38 — admin

A alumna Alicia Asensio Bande, de 2º de ESO, gañou o 1º premio na categoría C (de 12 a 16 anos) do certame de poesía de Nadal convocado pola Biblioteca Municipal "El Viejo Pancho", de Ribadeo. O título do seu poema é Sabela.

Parabéns!

Artigo: "A atención ó fondo local na biblioteca do IES de Ribadeo Dionisio Gamallo"

Xov, 07/01/2016 - 13:55 — admin

No número 70 da revista EDUGA publícase un artigo sobre a atención ó fondo local na nosa biblioteca. Agradecemos que se valore o noso esforzo continuado por difundir os libros máis achegados a nós.

FELIZ 2016

Sáb, 19/12/2015 - 13:29 — admin

A comunidade educativa do IES de Ribadeo Dionisio Gamallo deséxavos un

FELIZ 2016

Comercio xusto

Ven, 18/12/2015 - 16:23 — admin

Na última semana de decembro, leváronse a cabo obradoiros cos grupos de 2º ESO. Máis de 80 rapaces e rapazas que reflexionaron sobre o consumo, sobre as condicións de traballo noutras partes do mundo, e sobre a necesidade de favorecer un tipo de consumo ecolóxico e responsable.

Durante estes días, tamén xestionaron a venda de produtos alimenticios e de artesanía que cumpren na súa elaboración e distribución os principios do Comercio Xusto.

A actividade estivo coordinada por dúas monitoras de Solidariedade Internacional de Galicia. No centro, promoveu e coordinou as actividades o profesor Manel Yáñez, do departamento de Filosofía.