Extraescolares e complementarias

O pasado luns 9 de maio, recibimos a visita do IES Perdouro de Burela.
Na actividade organizada polo departamento de orientación, o alumnado de 4º da ESO puido coñecer de primeira man a oferta educativa de formación profesional dese centro, especialmente dos ciclos de grao medio das familias profesionais de Instalacións de Telecomunicacións, Mecanizado e de Peiteado e Cosmética Capilar. O profesorado da FP explicoulles a carga horaria dos módulos impartidos, as actividades prácticas realizadas, a FCT e as posibles saídas laborais dos ciclos formativos á hora a probar os aparellos de telecomunicacións que nos trouxeron.

Alumnado e profesorado do noso IES participou na pasada IX Marcha Eco-Solidaria da Fundación EDES.
Logramos reunir un donativo de 130€ e sumamos 375 kms camiñando, correndo, en bicicleta…

O seguinte grupo de alumnado de 2º ESO A: Gaïa Leyla Bérens Mercado, Fabián Conde Fariñas, Luis Felipe Dominguez de Gouvea, Iván Fernández Oural, Andrea Fernández Rodríguez, Jimena Fernández-Reinante Pérez, Aroa Fiallega Acebedo, Sara Lamelas Fernández e Dilan Andrés Valencia Manzano, resultou gañador na categoría C (1º- 4º ESO e FP Básica), da Fase Provincial do 38º Concurso Escolar ONCE “O camiño que nos torna iguais”.

Recentemente, fomos invitados polo Centro de Formación e Experimentación Agroforestal  Pedro Murias para celebrar o Día da Árbore e acudimos á cita cun grupo de alumnos e alumnas de 1º ESO que plantaron unha metasequouia, unha picea, un camelio e un espiño.

O mércores 16 de febrero, Ribadeo foi unha das 5 sedes onde se celebraron as probas correspondentes á fase galega da XIII Olimpíada de Xeoloxía, actividade na que participa alumnado de 4ºESO, 1º e 2º bacharelato e que está organizada pola AEPECT (“Asociación Española para la Enseñanza de las Ciencias de la Tierra”), en colaboración coa SGE (Sociedad Geológica Española).