Skip to Content

Varios

Premios "Prensa-escola" de La Voz de Galicia

Mér, 04/06/2014 - 12:40 — admin

A alumna Carolina Yáñez Santana, de 2º de ESO, obtivo o 2º premio na modalidade de entrevista (alumnado da ESO) da categoría Mellor xornalista xuvenil deste certame. Coordinou a actividade o profesor Manel Yáñez.

Noraboa!!!

Aquí podes ver todos os traballos premiados.

Máis información


Foto: La Voz de Galicia

 

EXPOSICIÓN: "Xosé María Díaz Castro no arquivo de Dionisio Gamallo Fierros"

Xov, 08/05/2014 - 19:07 — admin

 

Desde o 10 ata o 19 de maio pódese ver no noso centro a exposición "Xosé María Díaz Castro no arquivo de Dionisio Gamallo Fierros".

A mostra inclúe ducias de poemas manuscritos ou mecanoscritos, oito cartas de Díaz Castro a Dionisio Gamallo e outros documentos cedidos para a ocasión pola familia Gamallo.

Debido á abundante cantidade de textos, unha selección dos mesmos está exposta en paneis e a totalidade pode consultarse no mesmo lugar da exposición, fotocopiada e encanutillada, para que quen o desexe poida deterse na lectura dun xeito máis cómodo.

 

 

 

PREMIO: DAVID DARRIBA LINDÍN GAÑOU O X PREMIO DE FOTOGRAFÍA XURXO LOBATO

Mér, 30/04/2014 - 14:42 — admin

O alumno David Darriba Lindín, de 2º de bacharelato, gañou o X Premio de fotografía Xurxo Lobato, organizado pola Asociación de Antigos Alumnos do Instituto de Monelos.

David Darriba resultou vencedor coa obra "Reflexos" que foi a escollida polo xurado entre 684 fotos presentadas por case 300 alumnos de secundaria.

Queremos facer explícita a felicitación ó alumno do noso centro, en nome de toda a comunidade escolar.

MÁIS INFORMACIÓN

facebook

Mundiario

El Correo Gallego

Día dos humidais

Mar, 18/02/2014 - 07:45 — admin

MÁIS FOTOS

Despois de 20 anos celebrando o Día dos Humidais, non podiamos deixar pasar o 2 de febreiro sen máis. Unha sucesión de borrascas con cicloxéneses fixo que tiveramos que aprazar a celbración ata o luns, día 10.

O alumnado de bioloxía de 4º de ESO, acompañado polas profesoras Beatriz e Susi aproveitaron parte da mañá para facer unha visita á ría, acompañados por Óscar Chao, antigo alumno que está realizandos as prácticas do CAP e que se converteu nun amante da ornitoloxía da natureza. O seu blog O pailebote branco é de obrigada visita para quen teña interese nestes temas.

Distribuir contido


by Dr. Radut