Blog da biblioteca

Xa temos dispoñible o Wordle en galego (adaptado por Abraham Martínez Gracia), o que é unha magnífica nova para as linguas, que ven así como os usuarios enriquecen o seu vocabulario á vez que se divirten.

Este xogo en liña de adiviñar palabras de 5 letras converteuse en todo un fenómeno pola súa proposta de adiviñar unha palabra ao día e poder compartir as xogadas a través das redes sociais, incitando aos usuarios a tentar adiviñar a palabra do día en menos pasos que os seus amigos e coñecidos.

A mecánica de Wordle é moi sinxela: consiste en adiviñar unha palabra de cinco letras cada día, para o que teremos seis intentos. A cada intento veremos como as letras que propomos figurarán en verde se están na palabra e na posición atinada, en amarelo se a letra está na palabra e na posición incorrecta e en gris se non forma parte da palabra.

Podedes acceder a el premendo na seguinte imaxe:

Baixo o lema Adopta un libro, establecimos tres puntos con libros e outros tipos de publicacións que se poden levar libremente. Están á vosa disposición no vestíbulo principal, a entrada por conserxería e o corredor de acceso ao comedor.

 Se te animas a partillar os teus libros, déixaos no despacho de Beatriz. Non esquezas anotar na primeira páxina o teu nome, apelidos e curso. Estes son os próximos títulos que precisamos para a 2ª AVALIACIÓN:

CASTELÁN

La isla de Nuncameolvides [Ricardo Gómez](1º ESO)

Violet y Finch[Jennifer Niven](3º ESO)

La casa de Bernarda Alba[Federico García Lorca](4º ESO)

Marina[Carlos Ruíz Zafón](4º ESO)

Nada[Carmen Laforet](1º BAC)

Música para feos [Lorenzo Silva](1º BAC)

GALEGO

O que sei do silencio[AndreaMaceiras](2º ESO)

O corazón de Xúpiter[Ledicia Costas] (3º ESO)

Made in Galiza [Sechu Sende] (4º ESO)

Resistencia[Rosa Aneiros] (1º BAC)

Asistimos o 23-12-21 á presentación do libro O infinito no pé, da autora ribadense e exalumna do instituto Eva Moreda. No acto, organizado pola asociación Francisco Lanza, a escritora falou  de como se xestou a súa obra e proporcionou algunhas claves para entendela. O seu escrito, a medio camiño entre a ficción e o ensaio, xira en torno á redescuberta da chamada ribeirnana, unha danza baile endémica da comarca bergantiñá. Tamén participou na presentación Serxio Cobos, autor dos bailegramas que se inclúen ao final do libro. Ambos nos asinaron un exemplar da obra, que pasa a formar parte da nosa sección Local.

O escritor mariñán Xosé Cando Rancaño adicounos o seu último libro e agasallounos cun exemplar do mesmo que pasa a formar parte da nosa sección Local. Trátase de Dous paporrubios pirlando, poemario escrito en coautoría con Elvira Cereixo, unha orixinal proposta que  recolle os pirlares de dous paxariños, un en cada póla: un pírlalle ao outro en cada cantiga coas letras do seu nome encabezando cada verso, de tal xeito que cada poemiña, na súa verticalidade,  leva o nome e, en algúns casos o apelido, de a quen vai adicado o pirlar.