Varios

A palabra perdida é un xogo de pistas mediante o cal o alumnado, organizado en grupos, ten que acabar adiviñando unha palabra.

Previamente, nunha reunión conxunta, entregóuselle a cada grupo un cartafol con toda a información necesaria e un impreso no que debe ir anotando os datos que consiga durante o desenvolvemento do xogo.

Despois, nun taboleiro, empezamos a facer públicas as pistas que deben seguir. Cada pista leva o alumnado a un profesor, que lle dá máis datos a cada un dos grupos. Estes datos conducen a un libro da biblioteca no cal o alumnado atopa unha palabra. Con determinadas letras de todas as palabras que vai atopando, o alumnado acabará compoñendo a palabra que se busca.

O grupo que primeiro atope a solución recibirá un premio.

Coordina a actividade a profesora Susana Díaz Orol.

Nos últimos días, as alumnas Sonia Amor Pérez, Carmela Carrero Isla, Teresa García Gutiérrez e Marta Fernández Díaz, de 4º de ESO, expuxeron para todos os grupos da ESO os seus traballos sobre O papel das mulleres na relixión e A ablación.

Inicialmente, tratábase dunha tarefa de aula, promovida polo profesor Carlos Cid Tesouro, do departamento de Xeografía e historia, para expoñer só ante o seu grupo.

Pero, vendo a calidade e o interese dos mesmo, decidiuse que se repetise no salón de actos para todos os grupos, aproveitando as horas de titoría. Da coordinación destas exposicións encargouse a profesora Teresa González Piñeiroa, do departamento de Lingua galega e literatura.

Sen dúbida, é unnha sorte que o noso alumnado poida aistir a conferencias tan interesantes, e se as relatoras son da casa, mellor aínda.

Parabéns!

O día 27 de marzo, o alumnado de 1º de ESO participou na actividade Contos de medo no Museo, promovida polo Museo Provincial de Lugo.

Primeiramente, o alumnado leu no centro unha serie de relatos e xa no museo, organizados en equipos, buscaron resposta a unha serie de cuestións relacionadas con cada un dos relatos.

O alumnado estivo acompañado por Mª José Álvarez Amor, Isabel López, ambas as dúas do departamento de Lingua galega e literatura, e Roberto Rodríguez, do departamento de Xeografía e historia. 

PREMIO!

As alumnas Sara Canto, Laura Fernández e Ariadna Rocha obtiveron o 2º posto no certame Odisea 2015, dirixido ó alumnado que curse calquera materia relacionada coa cultura clásica, no que houbo 268 participantes.

Coordinou a actividade o profesor Fernando Maximiliano Álvarez Lebredo, que nos explica todo o proceso neste documento.

Coincidindo coa entrega de premios, o alumnado asistiu á representación dunha obra no Festival de Teatro Clásico de Lugo. Tamén aproveitaron a viaxe para facer unha visita a algúns lugares de interese da cidade relacionados coa súa área.

Podedes ver FOTOS na nosa galería.

Parabéns a todo o equipo!

O alumnado de 4º de ESO realizou unha viaxe a Lugo para asistir á representación de Luces de Bohemia no auditorio Gustavo Freire. Pola tarde, coñeceron a historia de cidade desde a época romana ata a actualidade, cunha visita guiada pola profesora de historia.

A actividade organizouna Rosa Paz, do departamento de Lingua española, en colaboración co departamento de Ciencias Sociais. O alumnado estivo acompañado por Manuel Fernández, do departamento de Lingua española, Andrea Estévez, de Xeografía e historia, e Dores Fernández, de Lingua portuguesa.

Na galería podes ver máis fotos da actividade.