![](https://2.bp.blogspot.com/-INvdJfBYsYk/XBVar24aHOI/AAAAAAAAq2Q/tQkRNCh2j_ApNQisnfoKiEY62m5oIwlRgCKgBGAs/s200/IMG_20181130_122111%2B%2528Copiar%2529.jpg)
Ás oito da mañá xa estabamos todos listos para emprender a viaxe. Chegamos arredor das 11:30 e recibíronnos cun agasallo na Escola de Enxeñaría de Minas e Enerxía, onde se poden cursar diferentes graos e másters relacionados con esta enxeñaría. Despois de darnos o agasallo, o profesor, co cal teriamos a primeira charla, levounos ata un laboratorio desta parte da Universidade. ....
Na primeira charla, “Física Recreativa”, explicáronnos algúns conceptos de Física, como a lonxitude de onda, e tamén o funcionamento do ollo con respecto ás cores, facendo un inciso nas cores primarias (vermella, verde e azul) e a súas complementarias (cian, maxenta e amarela); cando unha cor primaria desaparece, dá lugar á súa complementaria e mediante diversos experimentos, dos cales puidemos formar parte, este profesor foi quen de explicarnos as cores que se producían nunha pompa de xabón.
![](https://3.bp.blogspot.com/-cam80uDNu08/XBVawfo7yUI/AAAAAAAAq2U/O6jnn0VK0V0EbC47W3uFu33P1XqexmOvwCKgBGAs/s200/IMG_20181130_132019%2B%2528Copiar%2529.jpg)
![](https://4.bp.blogspot.com/--z6cBAiltPo/XBVa0ksoQjI/AAAAAAAAq2Y/pnMPDxHmjcAy1ijGR6MkLlV_ccYjqANlgCKgBGAs/s200/IMG_20181130_140117%2B%2528Copiar%2529.jpg)
Para darlle fin a esta charla, o profesor fixo dous experimentos: no primeiro, fixo unha escuma, a que se usa para o recubrimento dos teitos, mesturando dous produtos e o segundo consistiu en conseguir cobre a partir da súa mena (el fíxoo poñendo en contacto unha lámina de ferro con ácido).
Arredor das tres saímos da Universidade e dirixímonos á Laxe, un centro comercial preto do porto de Vigo; alí comemos e deixáronnos tempo libre. Ás cinco xa estabamos todos na entrada do centro comercial e, aproveitando que Vigo destaca polo seu decorado de Nadal, fomos dar un paseo pola Gran Vía vendo o acendido das luces desta época. Ás seis e media puxemos rumbo a Burela.
Accede a reportaxe fotográfica aquí.
Salma Yáñez Rego
4º ESO A