Skip to Content

Maio 2018

Intercambio co IES Terra de Xallas de Santa Comba - acollida en Burela

Lun, 28/05/2018 - 19:55 — karina
Venres, día 4 de maio. Alumnas e alumnos de 2º de ESO estabamos con inquietude porque iamos recibir o grupo dos nosos correspondentes do IES Terra de Xallas, de Santa Comba, cos que xa con antelación tiveramos contacto grazas aos Equipos de Dinamización da Lingua Galega dos dous centros, dado que nos xa viaxaramos a Santa Comba ... seguir a recensión de Paula Enríquez Barcia no Blogue de Perdourando.
  • 2010 lecturas

Obradoiro de escritura medieval - Ex-libris

Lun, 28/05/2018 - 16:19 — karina
23 de abril - día do libro
A mesma hora e o mesmo lugar, mais ese luns foi diferente. Non iamos ter as mesmas clases que de costume. Nas horas das materias de Física e Castelán, dúas relatoras convidadas explicáronnos as diferentes formas que tivo a escrita ao longo da historia e mostráronnos desde un pequeno taboleiro de cera até unha réplica do pergamiño Vindel. Que é o pergamiño Vindel? Eu tamén o preguntaba até que nos explicaron que se trata dun manuscrito que recolle as cantigas de Martín Codax, grande poeta do século XIII. 

Leonardo e os fontaneiros, adaptación teatral

Lun, 28/05/2018 - 16:07 — karina
Entrevista a Ana Carreira de Ubú Teatro
 
Laura Rodríguez, Laura García, María Lestao e Irene Basanta
Transcrición de Yaiza Rivas, Andrea Santos e Laura Rodríguez
 
Ana Carreira é actriz e dramaturga e é unha das protagonistas na obra Leonardo e os fontaneiros, adaptación ao teatro da obra narrativa do mesmo nome de María Victoria Moreno.
O alumnado de 1º e 2º ESO asistiu á representación desta obra da Compañía Ubú Teatro e Laura Rodríguez, María Lestao e Irene Basanta, estudantes de 1º de ESO, aproveitaron para facerlle unha entrevista a Ana Carreira.

A idea desta obra era representar un pouco as trasnadas dos nenos, pero falando desde o futuro, porque vosoutros en realidade representades a Begoña e a Antón falando do que fixeron no pasado, cando eran nenos.

Viaxe a Lugo - 4º ESO

Xov, 24/05/2018 - 19:14 — karina
CENTRO DE ARTESANÍA E DESEÑO EXPOSICIÓN DE INSTRUMENTOS
 
O mércores 4 de abril os alumnos e alumnas de 4º de ESO do IES Perdouro fomos de viaxe de estudos ao centro de artesanía e deseño de Lugo. A exposición de intrumentos do Centro de Artesanía e Deseño está formada por fondos da antiga sección do Museo Provincial de Lugo e de producción propia a través de traballos de investigación, doazóns e adquisicións de particulares, principalmente. Abarca pezas tanto do patrimonio musical galego como procedentes doutras culturas, instrumentos mecánicos e obxectos sonoros, e réplicas de iconografía musical.

Charla sobre lesións medulares de Cogami

Mér, 23/05/2018 - 23:22 — karina
O venres 18 de maio, os alumnos de 4º ESO tivemos unha charla sobre lesións medulares e unha campaña de prevención das mesmas, impartida pola Asociación COGAMI. Unha das persoas que nos deu esta charla foi Helena, que traballa en dita asociación, e Ángel, que nos veu explicar a súa experiencia persoal.
 
 
  • 1321 lecturas

Visita ás Terras de Miranda

Mér, 23/05/2018 - 18:22 — karina
O mércores 16 de maio, os alumnos e alumnas de 2º da ESO e de PMAR, fomos ás Terras de Miranda. Tivemos a oportunidade de ver un castro celta, en Pastoriza; o nacemento do Miño, o Pedregal de Irimia; os restos do mosteiro de Santa María en Meira e unha fraga en Riotorto.
Poidemos ver o funcionamento dun mazo de auga para traballar no ferro os ferreiros e logo fabricar os coitelos de forma artesanal.
Tamén tivemos tempo para descansar e comer todos xuntos. 
Foi unha saída e viaxe moi positiva xa que poidemos aprender e ao mesmo tempo pasalo ben, polo que é unha experiencia a repetir.  
 
Manuel Pumares (2º ESO)
 
Accede a reportaxe fotográfica aquí.
  • 1170 lecturas

II Certame de Videopoemas da Casa Museo Manuel María

Sáb, 19/05/2018 - 22:35 — karina
Laura e Gabriel entre os finalistas!!!!
Esta mañá fíxose entrega dos premios na Casa Manuel María en Outeiro de Rei. De 120 alumnos/as de toda Galiza participantes, o xurado felicitou os 17 mellores traballos finalistas e entregou os premios.
 
 
  • 1663 lecturas

Acto Día Das Letras Galegas

Xov, 17/05/2018 - 23:20 — karina

  • 2036 lecturas

Visita ao CINBIO

Xov, 17/05/2018 - 19:49 — karina
O pasado martes 24 de abril, o alumnado de 4º de ESO Tecnoloxía e Bioloxía-Xeoloxía fomos de viaxe de estudos a Vigo para visitar o Centro de Investigacións Biomédicas (CINBIO), situado na Universidade desa cidade.

...

O autobús deixounos na entrada do Centro e alí xa nos estaba agardando África González -a Directora do Centro- quen nos deu a benvida e despois ... seguir lendo a crónica de RAISA RIVERA  no blogue de Perdourando
  • 1808 lecturas

Con Gloria Fuertes, celebrando a poesía

Mér, 16/05/2018 - 21:13 — karina
Por fin están expostos os poemas de Gloria Fuertes e as ilustracións personalizadas, un traballo plástico realizado polo alumnado de 1° ESO en lingua castelá e debuxo para celebrar o día da poesía e a chegada da primavera.  
 
 
  • 781 lecturas


by Dr. Radut