Os rapaces/as de 1º ESO recordamos tamén na materia de Educación Plástica a importancia de manter uns hábitos de vida saudables e que hábitos nocivos coma o sedentarismo ou o consumo de tabaco e bebidas alcohólicas teñen efectos moi negativos no noso benestar físico, psíquico e tamén social.

Velaquí un exemplo de traballos voluntarios feitos por varios de nós:

No instituto celebramos a chegada das festas de Nadal o pasado martes 21 cunha xornada deportiva. Ó longo de todo o día os alumnos/as de todos os cursos e tamén o profesorado foron pasando polo pavillón e patios exteriores para desfrutar da práctica de diferentes xogos populares e tamén deportes que estiveron traballando ao longo deste 1º trimestre nas clases de Educación Física.

Esperamos que desfrutedes destas festas con responsabilidade, e por suposto non vos esquezades da importancia de manter unha vida activa tamén durante as vacacións.

¡¡ Bo nadal !!

Para o curso 2021 - 2022  iranse retomando as actividades complementarias e extraescolares segundo a situación da pandemia Covid-19 así o permita. Ditas actividades serán incluídas na Programación Xeral Anual, e estarán condicionadas á evolución da situación sanitaria así como as posibles restricións que poida haber a nivel de localidade e a nivel das propias actividades.

      SAÍDAS:

 1ºESO:

Iniciación á escalada en rocódromo.

11,00 - 14:15 Rocódromo cuberto de Riazor.

Datas  previstas para levala a cabo: 

   2º trimestre  

Equipamento: Roupa e calzado deportivo que nos permita flexibilidade.

Custo da actividade 4 euros.

( enlace fotos  )

 2º e 3º ES0:

Iniciación ao surf .

8,45 - 14,15 Prevista a súa realización no mes de maio, nunha das praias próximas á Coruña. 

Obrigatorio saber nadar para participar na actividade.

Equipamento: Mochila con bañador, chanclas, toalla e crema solar.

Custo da actividade 12 euros.

( enlace fotos ) 

 4ºESO:

Xornada final actividades físicas no entorno natural (O Pedrido): Orientación + kayak.

8,45h - 18:00h.

 Data na que se realizará: martes 21 de xuño  

Obrigatorio saber nadar para participar na actividade.

Equipamento: Vestimenta adecuada para andar e mochila con bañador, camiseta e calzado para ir á auga, toalla e crema solar.

Coste aproximado da actividade 20 euros.

ACTIVIDADES NO CENTRO:

– Actividades que poidan xurdir ao longo do curso interesantes para a área de E.F.

- Xornada de xogos populares e multideporte 21 de decembro.

- Coñece o meu club:  Club Polvo Ultimate fresbee, Fútbol Gaélico Fillos de Breogán, Club Orientación APA Liceo, Tiro con arco, Esgrima 100tolos, Escalada AMI, centro deportivo McFIT... e outros clubes do entorno que poidan aportar unha aproximación ou toma de contacto a actividades deportivas non realizadas habitualmente. 

O ximnasio que temos ao carón do instituto deunos a oportunidade de visitarlles e coñecer de primeira man as súas instalacións e oferta de actividades. Os alumnos/as de 4º ESO coñecemos unha nova posibilidade de práctica de actividade física para o tempo de lecer. Recordáronnos a importancia de manter un estilo de vida activo e ademáis Miriam Rumbo deunos unhas clases dirixidas moi animadas e completas.

¡¡Moitas grazas por todo!!

A profesora Cillas estanos a recordar en 1º ESO a importancia do consumo de froitas e verduras como base da nosa alimentación mediante o puntillismo, técnica de pintura artística innovadora e sorprendente que nos permite crear unha obra completa punto a punto, velaquí algúns exemplos do traballo que fixemos.

Aproveitamos para recordar a estreita relación entre alimentación, actividade física e saúde. As vitaminas e minerais presentes nos alimentos vexetais axúdannos a fortalecer tódalas células, órganos e sistemas do corpo.

Este curso a pandemia estanos a dar algo máis de “respiro”, así que dende o instituto queremos aproveitar para aumentar a cantidade de actividade física que fan os nosos/as escolares tanto dentro como fóra do centro, porque xa sabemos dos moitos beneficios que ten para a súa saúde física e tamén psíquica. Todo isto sen esquecernos da necesidade dunha correcta alimentación, descanso e hixiene persoal.

Neste apartado iremos informando tanto alumnos/as como profesores/as sobre contidos relacionados cos hábitos de vida activa e saudable que estamos a levar a cabo os distintos departamentos colaboradores neste proxecto.

Para comezar o curso, reimplantamos os "Recreos Activos" en todos os cursos, onde animamos a participar aos rapaces/as no tempo de recreo en actividades deportivas con distinto material que teñen dispoñible, simplemente cumplindo unhas normas de bo uso e comportamento.

Cristina María de Prada Creo 

- Xefa do departamento.  

- Imparte Educación Física en 1ºESO e proxecto competencial en 3ºESO e 4ºESO. 

Pedro Luis Vázquez García  

- Imparte Educación Física en 2ºESO.   

 Juan Manuel Vázquez Vilaboa  

- Imparte Educación Física en 3ºESO e 4ºESO.

José Carlos Suárez Vázquez  

- Imparte Educación Física sección bilingüe 1ºB e 1ºC

Para o curso 2020 - 2021 non se propoñen actividades complementarias e extraescolares pois a situación de pandemia Covid-

19 así o aconsella. Se ao longo do curso a situación sanitaria mellorase abriríase a posibilidade se recuperar algunhas das

mesmas e quedarían recollidas tanto na programación coma na memoria final do curso e nas actas do departamento.

A oferta educativa que se fai desde o departamento de Educación Física para o curso 2023 - 2024 abrangue ós catro cursos da ESO. O número de horas semanais e o carácter da materia por nivel son as seguintes:

1º e 2º ESO: EF, 3 horas semanais de carácter obrigatorio. //

1º ESO: EF, sección bilingüe inglés. 3 horas semanais para aqueles alumnos que así o elixiron na matrícula. Para este curso 2023-24, configuránse 2 grupos bilingües. incorporando un total de 28 alumnos/as. 

 3º e 4º ESO: EF, 2 horas semanais de carácter obrigatorio. 

3º e 4º ESO : Proxecto competencial, 1 horas semanal de carácter optativo.

 Educación Física (EF): A finalidade última da materia é educar as capacidades motrices dos alumnos. Isto supón desenvolver destrezas e xeitos instrumentais que melloren e aumenten as súas capacidades de movemento a través de habilidades xerais e específicas mediante actividades da mellora da condición física, xogos e actividades deportivas, actividades expresivas e no medio natural.

 Educación Física sección bilingüe inglés (EF inglés): Afondamento e mellora da competencia do alumnado en lingua inglesa a través do seu uso cotián no desenvolvemento das clases de Educación Física incidindo na comunicación entre alumno/a-profesor, e alumno/a-alumno/a, así como a adquisición de vocabulario específico relacionado coa área como pode ser no relacionado coa saúde, o noso corpo e o seu movemento, o estado físico e as capacidades físicas e coordinativas, equipamento e indumentaria deportiva, regulamento e normas de xogos e deportes, habilidades técnicas e estratexias.

 Proxecto competencial: Esta materia optativa en  3º e 4º enfócase desde o departamento de EF cara a prevención dos efectos negativos da inactividade física e da dieta desequilibrada, tratando de proporcionarlle ao alumnado unha serie de competencias que lle permitan, desde a práctica, adquirir e instaurar un estilo de vida saudable e que este se manteña no tempo. Encauzaremos estes obxectivos a través do xogo motor en 3º de ESO e o xogo tradicional en 4º de ESO.