O 31 de Outubro o alumnado de 1º ESO fixo unha saída á Casa das Ciencias. Alí experimentaron as distintas actividades dese museo científico e asistiron a unha sesión do Planetario.

Nas últimas semanas celebráronse no noso centro numerosas saídas de estudos. A máis relevante de todas foi a viaxe de estudos do alumnado de 4º ESO a Cataluña.

Entre os días 17 e 22 de abril o alumnado de 4º ESO desprazouse a Cunit (Tarragona). Desde alí realizaron unha visita guiada á cidade de Barcelona, acudiron a museos como CosmoCaixa ou visitaron a Sagrada Familia ou o Camp Nou. Realizaron tamén un percorrido pola cidade de Tarragona e disfrutaron de actividades náuticas en Salou. Até mesmo tiveron tempo de pasear pola praia! A viaxe foi unha experiencia inolvidable para o alumnado que marcha do noso centro ao final do presente curso.  

O 25 de novembro conmemoramos no centro o Día Internacional pola eliminación da violencia contra a muller. Dez minutos antes do recreo, o alumnado do centro reuniuse no patio para ler o nome e idade das 79 persoas que faleceron este ano a causa da violencia de xénero. Ao finalizar a lectura, gardouse un minuto de silencio.

Con esta sinxela homenaxe desexábamos homenaxear as vítimas e manifestar o noso desexo de que dunha vez por todas desapareza a violencia contra as mulleres.

Os departamentos didácticos do IES Ramón Otero Pedrayo da Coruña organizan numerosas actividades extraescolares e complementarias ao longo do curso. Estas actividades están recollidas nas programacións de aula e son un complemento á formación do alumnado. Destas actividades moitas realízanse no propio centro, durante o horario lectivo do alumnado. Outras, que deberán ser autorizadas debidamente polas persoas responsables do alumnado, desenvólvense fóra do centro e poden exceder do horario lectivo.

Na marxe dereita desta páxina web, no apartado Eventos, pode consultar todas as actividades pola súa data de celebración. Para iso, deberá picar na data concreta do calendario. No caso de que haxa unha actividade programada, o día aparecerá marcado en cor negra. Ao picar no día atopará tamén unha breve descrición da actividade, o seu horario e os cursos aos que está dirixida.

As actividades extraescolares e complementarias, suspendidas durante o curso 2020/21 a causa da pandemia de coronavirus, retómanse neste curso 2021/22. Estas actividades estarán sempre suxeitas ás restricións sanitarias vixentes e respectan as indicacións recollidas no protocolo Covid da Consellaría de Educación.

- Relación trimestral de actividades 2019-20

- Taboa resumida de actividades por niveis 2019-20

- Programa detallado de actividades 2019-20

- Relación trimestral de actividades e por departamentos 2018-19

- Taboa resumida de actividades por niveis 2018-19

- Programa detallado de actividades 2018-19

O Departamento de Orientación, en colaboración cos demais departamentos didácticos do centro, está a impulsar o proxecto "Máis Pola Igualdade" que se presentou ao premio Concepción Arenal de proxectos educativos pola igualdade e a prevención da violencia de xénero.
Unha das primeiras accións que se levou a cabo neste proxecto foi a apertura de varias contas nas redes sociais para difundir as actuacións que se leven a cabo dentro do programa.
Entre esas accións estivo a redacción dunha carta dirixida a La Voz de Galicia para a supresión dos anuncios de contactos.
Convidámosvos a seguir eses perfís nas redes sociais e a participardes nas actividades que se van desenvolver ao longo do curso. 

https://twitter.com/OPpolaigualdade

https://www.facebook.com/OteroPolaIgualdade-179820212602337/

https://www.instagram.com/oteromaispolaigualdade/?hl=es

PROGRAMA  DEPORTE NO CENTRO

Información en  www.edu.coruña.es/a_coruna_tardes/deporte_no_centro  Inscripción no local da ANPA (tardes dos martes)  Prazo do 12 ao 30 de setembro de 2017

 GRUPOS 2016-17

 - Ximnasia Artística II     - mércores e venres de 16.00 a 17.00

 - Balonmán/Baloncesto   - xoves de 16.00 a 18.00

Actividade extraescolar: ROOTTECH::Robótica creativa::

Promove a ANPA  Xoves de 16.30 a 17.30  Talleres dunha hora á semana.  18€/mes. Mínimo de 10 alumnos/as Comeza o 20 de outubro 2016  Inscripción aberta ata completar o grupo