Biblioteca

Os "biblioaxudantes", isto é, o alumnado que axuda na biblioteca escolar, acudiu o 19 de maio á feira do Libro de Lugo.

Cunha desiderata na man, visitou os postos de venda das distintas librarías e anotou nela os libros que máis lle interesou.

Posteriormente, asistiu a unha actividade musical "A historia do rock 'n' roll", na que Jacobo de Lope reviviu a historia do rock 'n' roll de Elvis a Nirvana en tan só 45 minutos.

Do 21 ao 24 de abril festexamos a Semana do Libro no IES Muralla Romana. Aquí vos deixamos algunhas imaxes para compartir convosco o noso amor polo libros. 

Varios días adicámolos a divertirnos con dous xogos de temática literaria: Dixit e Literatour. Os mellores xogadores recibiron agasallos de mans dunha figura moi sobresainte. 

Tamén houbo tempo para compartir lecturas. Os lectores, alumnado e profesorado, escolleron textos significativos para eles; así, puidemos escoitar fermosos textos en francés, inglés, árabe, bérber, catalán, galego, castelán e incluso grego antigo. 

Co mesmo fin, algúns alumnos explicaron algúns dos libros que leron o presente curso dun xeito moi orixinal: por medio da técnica do "knolling" literario. As melloresfotografías tamén tiveron agasallos especiais.

A biblioteca transformouse tamén nun centro de "adopción de libros". Grazas ás doazóns de profesorado e alumnado, xuntamos unha morea de libros que nas mans dos compañeiros atoparon un novo fogar. 

E como colofón, recibimos a visita do ilustre don Miguel de Cervantes, quen nos adicou unhas fermosas palabras e repartiu agasallos entre o alumnado. 

Continuará...

Sara Álvarez, judoka campeona de España 14 veces, é un bo exemplo de superación. Ante as adversidades nunca se deixou vencer pero, polo que puidera pasar, sempre tiña tamén un plan “B”.

.	.
.	.