O día 16 de marzo as nosas alumnas de 1º de BACH, Silvia Basanta, Laura García, Carla Gómez e Sara Pico, alcanzaron un ben merecido segundo posto na fase clasificatoria da liga de debate do Parlamento Xove, baseado nunha competición na que os diversos equipos debaterían sobre o tema formulado pola organización (Regulación da IA por parte dos estados). A dificultade da actividade estivo en que só cinco minutos antes de cada encontro dialéctico se procedeu ó sorteo da postura a adoptar por cada equipo, ‘a favor’ ou ‘en contra’, da cuestión formulada.
Parabéns ás alumnas e como non,unha vez máis, ó seu profesor Xulio González!
Publicadas instrucións para a acreditación das competencias dixitais do alumnado que cursa 4ºESO e 2ºBAC na Comunidade Autónoma de Galicia no curso 2023/24.
O sábado 9 de marzo a participación dos alumnos de 4º de ESO, do IES Muralla Romana, Carme Casanova, Antía Núñez, Pablo Dorado e David Pereira, na fase clasificatoria do concurso de debate do Parlamento Xove foi todo un éxito, co tema: "Os estados deben tomar medidas para o control da intelixencia artificial?" acadando un 3º posto en dita fase, na categoría de ESO do Parlamento Xove 2024, celebrada en O Carballiño (Ourense)
Parabéns ós participantes no concurso e ó seu coordinador, o profesor Xulio González Teijeiro!
**Achegamos as ligazóns da fase clasificatoria en streaming:
O alumnado de latín asistiu, o pasado 28 de febreiro, a unha nova edición do Festival Grecolatino, no que se representou a comedia "Anfitrión" de Plauto, a cargo do Grupo Noite Bohemia.
Coa colaboración da aula de emprendemento, o alumnado dos ciclos de Imaxe Persoal participaron nunha charla na que se lles transmitiu a importancia de saber xestionar, nun futuro, o seu centro de traballo de forma eficiente: horarios, xestión de prezos e promocións, diagnóstico e atención ao cliente, provedores...
Outra das actividades programadas foi o taller impartido pola figurinista Aránzazu Domínguez co alumnado de 1º de Asesoría de Imaxe Persoal e Corporativa, consistente nunha clase práctica sobre a utilización de vestiario para acaracterización de personaxes e a súa utilidade, ademais da importancia de saber seleccionar o vestiariomáis axeitado para cada cliente.
(22/02/2024)Publicación da listaxe definitiva do alumnado con posto reservado para 1º ESO:
TODO O ALUMNADO QUE PRESENTOU RESERVA ESTÁ ADMITIDO
* Para renunciar a un posto reservado será necesario presentar un escrito de renuncia no centro docente de adscrición coa data límite do día 28 de febreiro de 2024
Publicada a convocatoria de axudas para a realización de actividades de formación en linguas estranxeiras no ano 2024, destinadas ao alumnado de 1º e 2º de bacharelato que cursa en centros docentes sostidos con fondos públicos.
Ligazón ao portal de BOLSAS e AXUDAS - Ministerio de Educación 
CURSO 23/24:
Información da FP
Administración e xestión
Imaxe persoal
Informática e comunicacións
TodoFP
GaliciaSkills 2018
Cisco
Microsoft Imagine (MSDNAA)
