Hoxe tivo lugar o acto de presentación do proxecto DIARIO SARMIENTO realizado por un grupo de alumnado unión de dous colectivos presentes no centro LAS GRANDIOSAS TIGRESAS BARBUDAS (LGTB) e o ALUMNADO AXUDANTE (AAA).
No curso pasado 2020-2021 o grupo Peripatéticos Viveirenses do centro, dirixidos pola profesora Yolanda Fernández, resultaba gañador a nivel nacional do programa YOUTH4GOOD promovido pola Fundación Vodafone, presentando unha proposta como solución ao reto do bullying nos centros escolares. O premio alcanzado supoñía 5.000 euros para facer realidade o proxecto. O grupo gañador remataba xusto ese curso os seus estudos no centro, co que se facía preciso que outro alumnado asumise o relevo e retomase o proxecto para darlle continuidade, e é aí onde aparecen Alicia Yáñez e Francisco Basanta como novos responsables do proxecto, convidando aos dous colectivos a confluir nun mesmo e comezar o traballo que mañá se presenta.
