Modificación do calendario escolar (ESO e Bacharelato)

Visada a Orde do 27 de decembro de 2022 e as aclaracións publicadas pola Consellería de Educación para a organización do final do curso 2022/23 para a ESO e o Bacharelato, indicamos as cuestións máis relevantes no que ten que ver coa modificación do calendario escolar:

A sesión da terceira avaliación parcial da ESO deberá coincidir coa  sesión de avaliación final. Polo tanto, non haberá unha avaliación previa á final a principios de xuño. Realizarase unha única avaliación con data 22 de xuño de 2023. 

A asistencia á clase será obrigatoria ata o 21 de xuño na ESO e 1º de Bacharelato. O curso de 2º de Bacharelato, réxese polo seu propio calendario, condicionado polas probas da ABAU.