EDLG

O IES Leliadoura participou en colaboración con IES San Clemente de Santiago de Compostela e os centros CEIP de Sestelo-Baión de Vilanova de Arousa e o IES de Poio, nunha actividade feita polo alumnado destos centros sobre a Autoestima e convidamos a todo o que queira  a visitar a exposición que se abre durante o mes de Outubro na sala de usos múltiples nos recreos e os luns pola tarde de 17:20 a 18:10.

O Equipo  de Dinamización e Normalización Lingüística tiña programado un obradoiro de ilustración  para o  xoves día 25 de abril coa participación de Anxo Fariña que estivo de visita no IES Leliadoura no día de onte  para impartir tres obradoiros de ilustración para o alumnado de 1º de ESO.

O venres celebramos no IES Leliadoura o día de Rosalía que se conmemora o 24 de febreiro día do seu nacemento cun recital da súa poesía coa seguinte temática: o espolio, as violacións, a inxustizas sociais, os desfiuzamentos, o éxodo e os abusos laborais, recitados polo alumnado do centro dende 1º da ESO ata 2º de Bacharelato.

Ao final do acto foron agasallados cun libro e unha flor neste caso decidimos dar unha camelia.

O día 9 de novembro que foi cando celebramos "O Magosto " no IES Leliadoura a presidenta da ANPA fixo entrega dos premios as gañadoras no concurso de cabazas e outos froitos de outono 

As premidas foron agasalladas cun libro de ilustracións de Carlos Dávila e un vale para  un bocadillo que recolleron na cafetería do instituto.

A partir do 31 de outubro e no mes de novembro no noso centro o equipo de normalización tiña programado facer durante todo o mes unhas sesións de contacontos en galego e abríu esta actividade Daniel Gómez Ramil con contos de samaín, contos de medo e outras historias contadas polos máis vellos recolleitas da tradición que se contaban polas noites ao pe do lume das lareiras.