Skip to Content

OBRADOIROS DE POESÍA CON MARÍA MÍGUEZ, POETA E ILUSTRADORA

Dom, 24/03/2019 - 14:04 — admin

Temos a sorte de contar entre o profesorado do Illa de Sarón, con María Míguez, poeta e ilustradora coruñesa, que nos agasallou con exemplares dos seus libros para a Biblioteca escolar. 

Coincidindo coa celebración do MES DA POESÍA, María impartirá catro Obradoiros de poesía e ilustración ao alumnado de tódolos cursos da ESO. 

 

 

 

OBRADOIROS PROGRAMA CATUXA PARA ADOLESCENTES

Dom, 24/03/2019 - 13:54 — admin

O programa CATUXA, de sensibilización sobre a violencia de xénero e a igualdade entre mulleres e homes destinado á poboación adolescente, realizou o  dia 22 de marzo, dúas actividades dirixidas ao alumnado de 3º e 4º de ESO do IES Illa de Sarón. 

Estas actividades enmárcanse nunha acción integral dirixida á comunidade educativa dos concellos integrantes da Mariña Lucense que aborda a educación e concienciación en materia de igualdade e de prevención e loita contra a violencia de xénero nas súas difrentes manifestacións.

As actividades seleccionadas polo centro foron:

  • Taller de Intelixencia emocional, social e habilidades persoais,  dirixido ó alumnado de 3º ESO
  • Desmontando o mito do amor romántico, dirixida ó alumnado de  4º ESO

 

 

CELEBRACIÓN DO DÍA DA MULLER

Mar, 12/03/2019 - 23:42 — admin

O día 7 de marzo o alumnado do IES Illa de Sarón acudiu á praza do Concello, para participar nunha concentración convocada pola Concellería de Servizos Sociais do Concello de Xove con motivo do Dia Internacional da Muller. Levaron pancartas reivindicativas e participaron activamente coa lectura do Manifesto pola Igualdade.

A exposición Mulleres de Hoxe, realizada polo alumnado do Illa de Sarón estará no Salón de exposicións do Concello do 8 -15 de marzo.

 

 

 

MULLERES QUE CAMBIARON O MUNDO

A profesora de Lingua Castelá preparou co alumnado, unha exposición na entrada do centro, con carteis de mulleres que cambiaron o mundo.

 

 

ENTROIDO 2019

Mar, 12/03/2019 - 23:39 — admin

 

Que ledicia! ¡Que festa!

¡Que chea de risas...!
Son os ananiños que se divirten
tirando cousas do arcón
da vella Alba.
E non é para menos,
que estamos no Entroido.

 

O venres 1 de marzo celebramos no Illa de Sarón o festival de Entroido, organizado polo alumnado de 4º de ESO.

O alumnado de Música, ensaiou durante todo este trimestre no tempo de lecer, para ofrecernos  un pequeno concerto, durante este celebración.

Alberto e Carmen, os profesores de Música do centro colaboraron na organización e María a profesora de Historia participou como vocalista.

 

 

 

 

RUTA XEOLÓXICA RINLO-PRAIA DAS CATEDRAIS

Mar, 12/03/2019 - 23:29 — admin

O Departamento de Ciencias da Natureza organizou para o alumnado de 3º e 4º de ESO unha xeoruta pola Praia das Catedrais e o pobo de Rinlo, guiada polo xeólogo Francisco Canosa. Puideron  descubrir, paso a paso, o proceso que deu lugar a este incrible monumento natural, pero tamén a explicación de porque se concentra un número tan importante destas estruturas rochosas nesta praia. 

Do mesmo xeito este treito costeiro mostra moitos elementos xeomorfolóxicos (furnas, ollos, illotes, etc.), presentes na evolución destes cantís da Mariña lucense. No caso dos ollos, algúns deles foron empregadas na contorna de Rinlo como cetareas de marisco.

 

DIA DA PAZ XOGOS COLABORATIVOS NO IES ILLA DE SARÓN

Xov, 31/01/2019 - 15:23 — admin

Con motivo do día da Paz organizamos no Illa de Sarón unha sesión de xogos colaborativos, coa colaboración do Departamento de Educación Física.

Repartíronse caramelos con mensaxe e os alumnos/as deixaron mensaxes de Paz nos sobres do Cariñograma colocado na entrada do centro.

 

A ESCRITORA ANDREA MACEIRAS NO IES ILLA DE SARÓN

Mér, 23/01/2019 - 22:46 — admin

O día 22 de xaneiro visitou a nosa Biblioteca, Andrea Maceiras, Premio Jules Verne de Literatura Xuvenil 2015 e autora de novelas con grande éxito entre o público xuvenil.

Neste encontro organizado polo Departamento  de Galego, Equipo de dinamización da Lingua Galega e a Biblioteca, o alumnado de 3º e 4º de ESO comentaron coa escritora a súa novela Europa Express e non desaproveitaron a oportunidade de conseguir exemplares firmados das súa novelas.

 

 

 

CONCURSO DE ENIGMAS MATEMÁTICOS

Mér, 23/01/2019 - 22:24 — admin

O Departamento de Matemáticas organizou este curso, igual que en anos anteriores, un concurso de Enigmas matemáticos.

O gañador desta edición,  foi o alumno de 2º de ESO: Joel Míguez Castelo

Na mesma foto,  o gañador do concurso de Sudokus: Pablo Canoura de 1º ESO

 

 

CONCURSO SUDOKUS 1º ESO

Mér, 23/01/2019 - 22:20 — admin

O Departamento de Matemáticas  organizou un concurso de Sudokus para o alumnado de 1º de ESO.

O concurso celebrouse o luns día 21 de xaneiro e resultaron gañadores/as: 

Pablo Canoura Sánchez

Emilia Barro Martínez

Irene González Martínez

Daniel Ramos Losada  (Mención Honorífica)

 

ENTREGA PREMIOS DO CONCURSO DE POSTAIS DE NADAL 2019

Mér, 23/01/2019 - 22:13 — admin

 

No concurso de Postais de Nadal convocado pola Concellería de Cultura do Concello de Xove, destinado a nenos/as e rapaces/as do Concello de Xove, foron premiados 3 alumnos/as do IES Illa de Sarón, na categoría 1º-4º de ESO. 

1º Premio: Iker Costa González

2º Premio: Soukaina Adourou

3º Premio: Xenxo Salgueiro Franco

 

 

 

 

Distribuir contido


by Dr. Radut