Skip to Content

ENCONTRO LITERARIO CON PEDRO RAMOS

 

Pedro Ramos, o autor de obras con grande éxito entre o alumnado do IES Illa de Sarón, visitou o noso centro educativo.  O encontro tivo lugar no Salón de Actos do Concello de Xove e os nosos alumnos e alumnas aproveitaron a oportunidade, para que o autor lles firmase os seus exemplares de La playa de los cristales ou El coleccionista de besos.

A continuación o autor visitou a  nosa biblioteca  e realizou un taller co alumnado de 1º de ESO. Unha xornada moi emocionante para tod@s. Moitas grazas Pedro!!.

 

 

VIAXE POLA AGROALIMENTACION LUCENSE. 5ª SEMANA ESCOLAR DA PROVINCIA

No Illa de Sarón celebramos a SEMANA ESCOLAR DA ALIMENTACIÓN. A partir do material enviado pola Diputación de Lugo para conmemorar a Semana escolar da Provincia, realizaronse varias actividades con alumnado de distintas aulas.

O alumnado de 2º de ESO na materia de Ciencias Sociais seguiron a lectura do libro-manual e localizaron nun mapa mudo da provincia de Lugo, os espazos de produción dos produtos de denominación de orixe protexida, que se citan no libro.

 

Un grupo de alumn@s de 3º de ESO coa súa titora, prepararon unha exposición con produtos gastronómicos nomeados no libro, algúns deles moi coñecidos nesta zona da Mariña, coma o mel do Valadouro ou o bonito de Burela.

Os alumn@s de 1º de ESO na materia de Educación Plástica, buscaron información sobre as festas gastronómicas, fixeron unha investigación por grupos e elaboraron carteis promocionais de exaltación de distintos produtos.

Ambas exposicións colocáronse na entrada do centro educativo.

XORNADA PROMOCIÓN DE BOLOS NO ILLA DE SARÓN

O alumnado de 1º de ESO do IES Illa de Sarón participou nunha Xornada de tirada de Bolos no Campo municipal de fútbol Xove, organizada pola Concellería de Deportes do Concello de Xove, para promocionar este deporte popular.

O técnico de Cultura Mario Eijo, deulles unhas explicacións teóricas e un xogador veterano encargouse de ensinar a parte práctica do xogo.

Contamos tamén coa colaboración de 2 alumnos do instituto, Julia López Formoso e Javier Alonso, xogadores destacados na Liga de Bolos municipal e que xa acadaron importantes triunfos nas súas categorías.