Skip to Content

Contratos programa: Actividade do mes de abril

Para seguir mellorando a competencia matemática, no mes de abril, o alumnado de 1ºESO e 2ºESO fixo un gran esforzo traballando a unidade de Xeometría desde a súa casa. Para facelo máis ameno, traballamos os corpos xeométricos empregando as técnicas da papiroflexia.

Nesta actividade o alumnado tivo que crear os seus propios corpos xeométricos.

Os obxectivos desta actividade son:

  • Estimular a concentración
  • Activar a memoria
  • Desenvolver a paciencia
  • Potenciar a satisfacción persoal
  • Estimular o traballo e o esforzo

Para levar a cabo a actividade, proporcioneilles  os desenvolvementos planos de varias figuras e estes son algúns dos resultados:

Fondo Libros e axudas material escolar - Curso 2020/2021

ÁBRESE O PRAZO PARA SOLICITAR AXUDAS PARA ADQUISICIÓN DE LIBROS DE TEXTO E MATERIAL ESCOLAR E ACCESO Ó FONDO SOLIDARIO PARA O CURSO 2020/21

Orde do 12 de maio de 2020 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2020/21.

PRAZO DE PRESENTACIÓN: DO 20 DE MAIO AO 19 DE XUÑO DE 2020

Departamento de orientación

Co obxectivo de atender as cuestións que precisan un trato máis persoal, a partir da vindeira semana a orientadora estará presencialmente no departamento de orientación do instituto un día á semana.

Por suposto, como toda esta tempada de confinamento, podedes consultar as vosas dúbidas, solicitar información académica/profesional, ou tratar aqueles aspectos que vos preocupen, da forma habitual, a través do correo electrónico ou telefonicamente.

Non obstante, para unha atención máis personalizada e exhaustiva, contactade coa orientadora ou co centro, deixando os vosos datos, para poder concertar unha cita.

Por razóns sanitarias, as ditas citas deben ser acordadas previamente, respectando as medidas de seguridade que a situación require.

Guía de estudos superiores en Galicia 2020/2021

Compartimos esta guía publicada por “La Voz de Galicia” con toda a oferta de estudos universitarios, de FP e outras ensinanzas, organizada en base ás catro ramas de coñecemento que corresponden cos bacharelatos: Artes, Ciencias, Ciencias Sociais e Humanidades.

Guía de estudos superiores

Neste xornal podemos acceder a unha versión interactiva:

https://estudiarengalicia.lavozdegalicia.es/

Vídeo - Día das letras galegas 2020

Diccionario de profesións

Compartimos este diccionario de profesións de Educaweb, que nos permite informarnos dunha forma moi cómoda e completa das ocupacións dos diferentes campos profesionais.

https://www.educaweb.com/profesiones/

Educaweb tamén publica esta información sobre as características das novas profesións.

https://www.educaweb.com/contenidos/laborales/nuevas-profesiones/como-seran-nuevas-profesiones/

Proceso de desescalada

Estamos vivindo cambios na situación provocada polo COVID-19, por fin!

Convén seguir tendo coidado e precaución, así que compartimos as recomendacións da "Dirección General de Protección Civil y Emergencias" e o "Consejo General de la Psicología de España".

Ciclo Superior "Programación da produción e moldeamento de metais e polímeros"

Formación modular en réxime de adultos, clases polas tardes de 16:30 a 22:00h.

Formación práctica en Alcoa e empresas da mariña lucense.

 

Reanúdanse os prazos para a admisión nos centros públicos

Educación reabre este luns, día 11 de maio, o prazo de admisión nos centros escolares para o vindeiro curso 2020/21.

Lembrade que desde hoxe ata o día 18 de maio está reaberto o prazo para solicitar praza no centro onde ides cursar bacharelato (para as persoas que non o fixestes antes do confinamento).

https://www.edu.xunta.gal/portal/node/31015

Distribuir contido


by Dr. Radut