Skip to Content

Aprendemos na casa

O "Ministerio de Educación y Formación Profesional" e RTVE lanzan "Aprendemos en casa" para paliar a falta de clases presenciais. Unha programación educativa para alumnado entre 6 e 16 anos.

Cada día unha materia cun horario (1 hora diaria de luns a venres) distribuído por tramos de idade.

Podedes botarlle un ollo!

 

Formación Profesional - FCT

Achegámosvos novas do Ministerio de Educación e FP referentes a realización da FCT:

http://www.educacionyfp.gob.es/prensa/actualidad/2020/03/20200317-reunionevaufp.html

As prácticas do alumnado de Formación Profesional flexibilizaránse, así como as probas de acceso para quen non conte cos requisitos académicos necesarios.

Quedar na casa (2)

Compartimos esta preciosa curta baseada no álbum ilustrado "EL PEZ QUE SONREÍA" de Jimmy Liao, recoñecido ilustrador de Taiwan. Desfrutemos nestes caseiros días das marabillosas creacións de artistas que nos convidan a soñar e reflexionar:

https://www.youtube.com/watch?v=DJiWJihcuIs

É un bo momento para desenvolver o noso lado máis creativo, algo que sen dúbida nos enriquece e nos fai medrar como persoas. Deixámosvos este enlace cunha selección de cursos de balde grazas ás iniciativas que xorden nestes momentos complicados, pero nos que tamén valoramos o importante. Forza!

https://www.domestika.org/quedateencasa?utm_source=facebook&utm_medium=referral&utm_campaign=courses&utm_content=quedateencasaFB&fbclid=IwAR0pmwK_BvxEQ8bDKJ_8CRQ2VJtj-NBQ9Z-xoZkPkLjHewvRaHoDIc9aVzk#course-list

Quedar na casa: Consellos

Queremos facernos eco das recomendacións da "CONFEDERACIÓN DE ORGANIZACIONES DE PSICOPEDAGOGÍA Y ORIENTACIÓN DE ESPAÑA" ante a situación de "quedar na casa" por causa do Coronavirus. Son consellos útiles para o alumnado e tamén para as familias. Moito ánimo!

https://copoe.org/comunicados/item/668-consejos-de-copoe-ante-la-situacion-de-quedarse-en-casa-para-afrontar-la-crisis-del-coronavirus

Tamén vos deixamos unha pequena guía elaborada polo "Colegio Oficial de Psicología de Madrid", útil para toda a poboación para afrontar a crise do coronavirus con orientacións para a xestión psicolóxica desta cuarentena. Pódes escargala premendo -aquí-.

Por último, compartimos este enlace que nos dá acceso a 10 museos virtuais para visitar estando na casa. Unha proposta de ocio e cultura para compartir un tempo en familia nestes días de confinamento:

https://www.nuevatribuna.es/articulo/sociedad/museos-quedateencasa-cultura-estadodealarma-tourvirtual-coleccionesonline/20200313192038172030.html

Plan proxecta: peza teatral "Golpes"

Nesta ocasión o Salón de Actos do Concello de Xove foi o esceanario sobre o que a actriz galega Estíbaliz Veiga representou a peza de teatro GOLPES para todo o alumnado do noso IES. Esta actividade encádrase dentro do Plan Proxecta 2019-2020: Por 365 días de respecto e igualdade, subvencionada pola Secretaría Xeral de Igualdade da Xunta de Galicia.

Estíbaliz Veiga, baixo a dirección de Xosé Leis e da produtora aANTENA,  somérxese no papel de Pamela, unha moza que recibiu moitos “golpes”, na súa relación de parella, pero a “labazada” máis forte foi verse a si mesma mudada noutra persoa, por iso quere compartir as súas experiencias vitais, para que ningunha outra muller pase por unha situación semellante.

Con esta representación teatral o que se pretende é visibilizar diferentes situacións de desigualdade que se dan a diario e concienciar a toda a sociedade, mais dun xeito especial á mocidade, na prevención da violencia de xénero.

Deixámosvos algunhas fotografías de distintos momentos da extraordinaria representación.

 

Plan proxecta: Día Internacional da Muller

Aproveitando que o día 8 de marzo se conmemora o Día Internacional da Muller, organizamos dúas actividades o día 09 de marzo dentro do Plan Proxecta 2019-2020: Por 365 días de respecto e igualdade e subvencionadas pola Secretaría Xeral de Igualdade da Xunta de Galicia.

A primeira delas foi unha charla sobre o tratamento da violencia de xénero na publicidade e nos medios audiovisuais e a segunda, a representación teatral Golpes.

No que respecta á charla, impartida por Ánxeles Gómez, sobre o tratamento da violencia de xénero na publicidade e nos medios audiovisuais, o alumnado de 2º e 3º ESO tivo ocasión de analizar polo miúdo diferentes anuncios publicitarios para miralos e observalos dende unha óptica violeta, discriminando aqueles que dunha maneira ou doutra cousifican o corpo das mulleres e, polo tanto, se lles dá un tratamento violento. Por suposto, tamén se analizaron outros slogans e propaganda non machista para detectar as diferenzas entre uns e outros.

Deixámosvos algunhas fotografías de distintos momentos da charla.

 

Plan proxecta - 365 días de respecto e igualdade

O alumnado de 1º e 2º estivo traballando a violencia de xénero a partir da escaleira da violencia baseada na Historia de Pepe y Pepa de Carmen Ruíz Repullo poñéndoa en relacións con distintas emocións.

Para iso elaboramos unhas fichas en forma de pensamento-nube onde aparecía unha emoción coa súa breve definición, tirada do Emocionario de Palabras Aladas. Por outra banda, tiñan diferentes chanzos de distintas mostras de violencia de xénero.

O alumnado, disposto en grupos de catro/cinco persoas, tiña que decidir se todos os chanzos constituían mostras de violencia machista e posteriormente ordenalas de menor a maior intensidade de violencia. Ademais, a cada chanzo adxudicábanlle unha emoción.

Este pequeno xogo permitiunos reflexionar sobre os chamados “micromachismos” e fundamentalmente sobre as diferentes emocións que podían sentir as mulleres ao seren maltratadas. O alumnado decatouse de que todas as emocións que ían emparellando eran negativas.

Por último, visionamos o vídeo de Carmen Ruíz Repullo e comentamos e debatemos o seu contido.

A actividade resultou francamente interesante, xa que nos deu para debater, falar, reflexionar e consensuar distintas prespectivas mostradas polo alumnado.

Seguimos educando en igualdade!!!

Contratos programa: Sudokus

O mes de febreiro dedicámolo a resolver sudokus, un xogo antigo que require de lóxica e paciencia para resolvelo.  Realizamos un concurso de resolución de sudokus, cun premio para cada nivel. Ao principio o alumnado era un pouco reticente xa que a resolución supón paciencia e concentración, pero saíulles mellor do que pensaban.

Os obxectivos desta actividade son:

  • Mellorar a concentración.
  • Fomentar o gusto polas matemáticas e os xogos matemáticos.
  • Estimular e potenciar as habilidades de matemática lóxica e pensamento crítico.
  • Adquirir confianza coas matemáticas.

A entrega de premios foi este luns, día 9 de marzo.

Convocatoria actividades STEMweek.

Covocadas axudas para a realización de actividades formativas STEM en lingua inglesa no ano 2020, destinadas ao alumnado dos centros docentes sostidos con fondos públicos.

Podes consultar toda a información relativa á STEMweek neste enlace.



NOVIDADES SUSPENSIÓN DAS CLASES

 

Dada a suspensión das clases presenciais decretada pola Xunta, estade atent@s ás noticias e publicacións desta páxina web.

O profesorado actualizará a información necesaria para continuar coa formación académica nas aulas virtuais, na plataforma E-Dixgal e nos apartados dos correspondentes departamentos didácticos desta web.

 

Si necesitades calquera aclaración ou documentación podedes contactar co centro nos correos seguintes:

 - ies.illadesaron.xove@edu.xunta.es

- sjul@edu.xunta.es

 

O teléfono de contacto en caso de emerxencia é: 699 857 847

 

IMPORTANTE:

Si alguén con contacto directo co centro (alumno/a, profesor/a, persoal non docente ou familiar directo) é positivo en coronavirus debe comunicalo por calquera dos medios dos que dispoñemos.

É importante que todos teñamos coñecemento destes casos si é que os hai.

Grazas

 

Actualizado ás 20:33 horas. 13/03/2020

Distribuir contido


by Dr. Radut