Matemáticas na raia 2020
As alumnas e alumnos de 3º da ESO participaron, o xoves 5 de marzo, na IV edición de Matemáticas na raia organizado por AGAPEMA. Esta proba realízase simultaneamente en institutos de toda Galicia e do norte de Portugal.
É un concurso de resolución de problemas dirixido ao alumnado de 3º de ESO (9º ano en Portugal). A característica principal desta actividade consiste no fomento do traballo colaborativo, pois os equipos son grupos - clase completos.
O grupo gañador de cada país terá como premio unha estadía de fin de semana (30 - 31 de Maio) nunha localidade por determinar do Norte de Portugal con todos os gastos pagados, para eles e os seus profesores, para participar nun “ENCONTRO MATEMÁTICO”. Estas xornadas, dedicaranse a actividades lúdico-festivas, onde o alumnado portugués e galego confraternizarán, realizando visitas turísticas e competicións amistosas.
