GRAN ÉXITO DOS EQUIPOS PARTICIPANTES NO YOUNG BUSINESS TALENTS

Rematou a fase do concurso Young Business Talents en Galicia e de máis de 200 equipos participantes só pasaron á gran final 14 equipos de toda Galicia, entre eles 2 equipos formados por alumnos e alumnas do IES Fernando Blanco.

Estes equipos son o "DERAZA" que acabou de 3º clasificado, está formado por:

Rocío Canosa López

Iria Martínez Noya

María Ángeles Martínez Pérez

Elisa Suárez Alvite

O outro equipo clasificado para a final é "LOJODUJU" no posto 11º, este equipo está integrado por:

Juan Cambeiro Otero

José Lago Barreiros

Lorenzo Pérez Oroña

Eduardo Rivas Insua

Os dous equipos están formados por alumnado de 2º do Ciclo Superior de Administración e Finanzas e estiveron asistidos polo profesor Rogelio Pesqueira.

Temos que salientar que houbo máis equipos participantes do IES Fernando Blanco, tanto do Ciclo Medio de Xestión Administrativa como do Ciclo superior de Administración e Finanzas, pero foron quedando eliminados nas distintas fases

En toda España participaron 1.189 equipos procedentes de 234 colexios e institutos. O concurso está organizado por Beiersdorf e Praxis MMT. Durante o concurso os alumnos tiñan que tomar unha serie de decisións relativas á produción, as finanzas, os recursos humanos e o marketing para converterse nos mellores empresarios virtuais de España. Este torneo, permite a estudantes de ESO, bacharelato e formación profesional dirixir as súas propias empresas en Internet grazas ao uso dun avanzado simulador de terceira xeración.

A capital de España acollerá a última fase que se realizará os días 13 e 14 de abril e que contará con 22.000 euros en premios que se repartirán entre os 25 mellores equipos.

Noraboa aos membros dos equipos clasificados!!