O día 25 de abril o club de lectura de adultos reuniuse na pastelería Dulce María de Palas de Rei con motivo do noso segundo encontro. Desta volta tivemos a oportunidade de charlar con Alba Guzmán Falcón, a autora de Xoaniña de Deus, o libro de lectura escollido. Todas as asistentes desfrutamos da conversa cunha escritora que ten máis premios que anos, é admirable!

Grazas a todas por estar aí, porque eu penso como Xoaniña: "é máis importante non esquecer que olvidar". Podedes anotarvos ó club escribindo a: cristina.gonzalez.abelaira@edu.xunta.gal

Álbum: Curso académico 2022/23 -> Club de lectura de adultos

Hoxe, 26 de abril, iníciase o período de presentación de solicitudes para participar nos premios extraordinarios de bacharelato 2022-2023 (código de procedemento ED311A) cuxa orde de convocatoria publicouse no DOG o pasado 3 de abril.

 O prazo de presentación de solicitudes é do 26 de abril ata o 25 de maio.

Pode acceder á información desta convocatoria na sede electrónica da Xunta de Galicia, introducindo na caixa de busca o código de procedemento ED311A, ou ben en PremiosEdu.

Para máis información: folla resumo das características do premio.

O pasado venres, o alumnado de 4º da ESO e 1º de BACH, visitou a central de Pull&Bear en Narón. As alumnas e alumnos observaron os diferentes departamentos e funcionamento da sede central dunha gran empresa internacional, dende a loxística e o sistema de almacén, o deseño das prendas, do escapartismo, a patronaxe, os recursos humanos, o márketing, entre outros.

Para rematar a visita o alumnado foi agasallado cun almorzo e un regalo por parte da empresa.

Álbum: Curso académico 2022/23 -> Visita á central de Pull&Bear en Narón

Xa se pode consultar o calendario final de curso:

A) Calendario de final de curso de ESO, 1ºBAC e FPB I

b) Calendario de final de curso de 2ºBAC

O día 17 de abril o club de lectura do IES do Camiño realizou unha saída a Santiago de Compostela, escenario dalgúns dos libros lidos este curso, en concreto, de Trescatorcedezaseis e de Cicuta para dous de Rocío Leira, escritora coa que tivemos a oportunidade de charlar na librería AENEA.

Foi un encontro compartido co club de lectura do IES deMonterroso. 

Deixámosvos algunhas das imaxes do mesmo.

Álbum: Curso académico 2022/23 -> Viaxe a Compostela do clube de lectura

O día 15 de marzo os alumnos e alumnas de 1º e 2º da ESO tiveron ocasión de visitar o MUNCYT  e a Casa das Ciencias en Coruña.

O percorrido comezou no MUNCYT, onde puideron visitar unha parte da exposición permanente, así como realizar o obradoiro químico “Nanomundo”.

Despois dirixímonos á Casa das Ciencias onde asistimos a unha proxección no Planetario e finalmente dispuxeron de tempo para visitar a exposición interactiva  deste museo. 

Álbum: Curso académico 2022/23 -> Visita aos museos científicos

Os alumnos/as  de 3º e 4º da ESO e 1º e 2º de BAC, visitaron a planta de tratamento de refugos de SOGAMA  o xoves 30 de marzo. 

Esta actividade ten como finalidade concienciar ao alumnado da necesidade de levar a cabo unha correcta xestión dos refugos, así como da normativa que rixe dita xestión.

Alí participaron dunha charla didáctica, sobre o funcionamento da planta e de varias actividades interactivas sobre a separación en orixe dos refugos e o seu destino final.

Despois tivemos ocasión de facer un percorrido guiado polas instalacións da planta.

Álbum: Curso académico 2022/23 -> Visita a Sogama

O 28 de marzo levouse  a cabo, na hora de titoría, unha actividade de cohesión para os alumnos/as de 1º e 3º da ESO, enmarcada dentro do programa TEI.

Tratouse dun xogo de confianza no que os alumnos/as titores de 3º da ESO debían guiar aos seus titorizados/as  a través dunha “ginkana”  de obstáculos cos ollos vendados, fomentando así a colaboración e confianza entre eles. Despois os roles invertéronse sendo os titorizados/as os que guiaron aos seus titores/as.

Álbum: Curso académico 2022/23 -> Programa TEI

PREMIOS EXTRAORDINARIOS ESO 2022-2023

Convocados os premios extraordinarios de ESO ao rendemento académico correspondentes ao curso2022/23. Prazo de solicitudes: comezará o 31 de maio de 2023 e rematará o 30 de xuño de 2023.

Acceso á información: https://www.xunta.gal/dog/Publicados/2023/20230414/AnuncioG0655-030423-0003_es.html

PREMIOS EXTRAORDINARIOS DE BACHARELATO 2022-2023

Convocados os premios extraordinarios de Bacharelato. Os requisitos son:

- Ter finalizado o Bacharelato no curso 2022-2023.

- Ter unha nota media de Bacharelato igual ou superior a 8,75.

O Prazo de solicitudes: comezará o 26 de abril de 2023 e rematará o 25 de maio de 2023.

Acceso á información: https://www.xunta.gal/dog/Publicados/2023/20230403/AnuncioG0655-200323-0005_es.html

Convocadas as Becas e axudas para o alumnado de estudos postobrigatorios para o vindeiro curso 2023/24

Teñen aberto o prazo para presentar as becas do Ministerio ata o 17 de maio de 2023.

As solicitudes deberán cumprimentarse mediante o formulario accesible por vía telemática a través da sede electrónica do Ministerio de Educación, cultura e deporte na dirección: https://www.becaseducacion.gob.es/becas-y-ayudas.html. Rexistrarse en "Acceso al servicio online", logo ir cubrindo todos os datos da beca e, ao rematar, gardar e presentar solicitude.

Teñen que ter a man os DNI de todos os membros da unidade familiar e o número de conta onde queren que se lles ingrese a beca (a/o alumna/o ten que ser titular ou cotitular da conta).