Club de lectura
Club de lectura do alumnado
Enviado por Lois o Mar, 11/06/2024 - 10:59O día 24 de maio reunímonos o club de lectura do alumnado. Neste caso comentabamos dúas obras: Blackwater e La última bruja. A primeira é unha saga, inédita ata ó momento en España, de Michael Mcdonell. A segunda foi unha petición do alumnado logo do éxito de Los dioses del Norte. A este encontro acudiron algúns dos voluntarios/as de la biblioteca, pois aproveitamos para organizar o próximo recital poético. Para isto último contamos cunha maleta viaxeira de poesía cedida polo CEFORE de Lugo.
Grazas a todos/as por ler, acudir e participar nestas iniciativas.
Encontro do club de lectura
Enviado por Lois o Mér, 10/04/2024 - 11:18O día 22 de marzo tivo lugar o último encontro do segundo trimestre do club de lectura do IES do Camiño. Como o día anterior fora o Día Mundial da Poesía, nesta ocasión non só comentamos a obra de narrativa elixida, ¿Cuál es tu lucha? de Nando López; senón que repartimos e lemos algúns poemas de Penúltimas tendencias e Makinaria de Carlos Negro. Tamén seguindo o proxecto da RAE "Amamos la poesía" nos fixamos nalgúns poemas, por exemplo "Diferente" de Juan Ramón Jiménez. No medio da lectura e entre o debate xerado, acordamos facer un recital conxunto fóra do centro coa colaboración dos voluntarios da biblioteca, algúns deles membros do club. Seguiremos informando...
Encontro do club de lectura de adultos
Enviado por Lois o Mér, 10/04/2024 - 11:15O día 4 de abril xuntámonos o club de lectura de adultos do IES do Camiño para falar sobre a lectura do trimestre. Seguindo o lema das biblioteca escolares, apostamos pola banda deseñada. Madialeva de Ana Moreiras foi a obra escollida. Non contabamos, por primeira vez, e xa van catro encontros, coa presenza da escritora, polo que a reunión tivo un cariz diferente. Nesta caso as aportacións dos/as lectores/as tomaron maior protagonismo e foi un gusto escoitar reflexións acerca do cromatismo das ilustracións ou os planos detalle empregados nas viñetas. Tamén puidemos debater sobre algún dos múltiples temas que toca a obra, pero foron a migración ou os matrimonios concertados os que deron máis que falar.
O próximo e último encontro do curso farémolo neste terceiro trimestre e como suxerencias de lectura saíron: Un animal chamado néboa de Ledicia Costas, Xaora de Ana Moreiras, Senlleiras de Antía Yáñez ou As chaves do tempo de Luisa Villalta, entre outros.
Irene Rega visita o Club de lectura
Enviado por Lois o Mar, 23/01/2024 - 11:38O venres 19 de xaneiro tivemos a cuarta xuntanza co alumnado do club de lectura do IES do Camiño que, nesta ocasión, consistiu nun encontro coa autora do último libro lido: A malferida de Irene Rega Jul.
Tivemos a oportunidade de falar con ela sobre o acoso, tema principal do libro, pero tamén sobre as lecturas obrigadas, o proceso de escritura ou os finais abertos e ambiguos. Grazas a todas/os por ler e participar e, especielmente, grazas a Irene pola humildade, o agasallo para a rapazada e a boa conversa.
Club de lectura de adultos
Enviado por Lois o Mar, 16/01/2024 - 11:25O día 15 de xaneiro reunímonos o club de lectura de adultos de Palas de Rei. Nesta xuntanza tivemos a oportunidade de charlar con Rosa Paz, autora do libro escollido: Las tres hermanas. Sorprendeunos a súa seguridade ó afirmar que ela escribiu o que quixo escribir e tamén abrimos un debate ben interesante entre o que nós percibiramos como lectoras/es dos personaxes e o que ela tiña en mente cando os creou.
O próximo encontro terá lugar neste mesmo trimestre e Madialeva de Ana Moreiras é o libro proposto. Podedes anotarvos ó club escribindo a: cristina.gonzalez.abelaira@edu.xunta.gal
O club de lectura
Enviado por Lois o Lun, 08/01/2024 - 11:54O día 27 de outubro inauguramos o club de lectura deste curso. Ese día asistiron catro profes e trece alumnas e alumnos á reunión. Presentamos o club, repartimos un agasallo, un doce e un calendario coas datas das seguintes xuntanzas. Tamén escollemos a lectura. Dúas foron as obras máis votadas: As alumnas e El príncipe y la modista e a reunión para falar das mesmas fíxose o venres, día 1 de decembro. As obras tiveron un éxito moi desigual causando filias e fobias entre o noso alumnado e as docentes. Agradecemos a participación, pois somos un grupo ben xeitoso e convidámosvos a unirvos ó próximo encontro o xoves, día 21 de decembro.
Club de lectura de adultos
Enviado por Lois o Ven, 05/05/2023 - 12:36O día 25 de abril o club de lectura de adultos reuniuse na pastelería Dulce María de Palas de Rei con motivo do noso segundo encontro. Desta volta tivemos a oportunidade de charlar con Alba Guzmán Falcón, a autora de Xoaniña de Deus, o libro de lectura escollido. Todas as asistentes desfrutamos da conversa cunha escritora que ten máis premios que anos, é admirable!
Grazas a todas por estar aí, porque eu penso como Xoaniña: "é máis importante non esquecer que olvidar". Podedes anotarvos ó club escribindo a: cristina.gonzalez.abelaira@edu.xunta.gal
Viaxe a Compostela do clube de lectura
Enviado por Lois o Mér, 19/04/2023 - 12:43O día 17 de abril o club de lectura do IES do Camiño realizou unha saída a Santiago de Compostela, escenario dalgúns dos libros lidos este curso, en concreto, de Trescatorcedezaseis e de Cicuta para dous de Rocío Leira, escritora coa que tivemos a oportunidade de charlar na librería AENEA.
Foi un encontro compartido co club de lectura do IES deMonterroso.
Deixámosvos algunhas das imaxes do mesmo.
Clube de lectura
Enviado por Lois o Lun, 09/01/2023 - 00:30O club de lectura da biblioteca do IES do Camiño contou este trimestre con tres grupos diferentes para ó alumnado. Por unha banda, reunímonos para compartir a lectura de Hearstopper, que triunfou entre as rapazas e as profes e que repetimos en pouco tempo porque quedamos con gana da segunda, terceira e cuarta parte da novela gráfica. Por outro lado, apostamos por Trescatorcedezaseis de Rocío Leira. Este grupo foi aumentando o seu número de participantes, pois aqueles que acudían só de oíntes ó encontro, animáronse a mergullarse na lectura da obra e quedamos de repetir a experiencia de ler á mesma autora despois do Nadal. Cicuta para dous é a obra elixida.
Por último, moitos dos membros do club iniciáronse no mundo da psicoloxía e charlamos sobre Las gafas de la felicidad, unha proposta de Alejandra Abuín, que nos fixo pensar en que, igual, os problemas que temos non o son tanto. Ás veces tan só dependen das gafas coas que os ollemos.
Grazas polo voso tempo, o voso entusiasmo e as vosas lecturas.
Bo Nadal!
Lectura de "Nai que nos pariu"
Enviado por Lois o Lun, 09/01/2023 - 00:27O día 15 de decembro reuniuse por primeira vez en Dulce María o club de lectura de adultos do IES do Camiño para compartir a lectura da obra: NAI QUE NOS PARIU. Mulleres á altura do interior. Era un coloquio co seu autor, Fernando García Penas. Foi un encontro fermoso, cheo de anécdotas, confidencias e acompañado de cafés, doces e infusións; pero tamén de lectura a viva voz e emoción. Estivemos case dúas horas charlando e TODOS e TODAS CONTAMOS neste camiño de libros.
Graciñas pola boa disposición e o agarimo de todas vós. Quedamos de vernos noutra. Así que seguiremos informando. Lembrade que para anotarvos tan só debedes escribir ó seguinte enderezo: cristina.gonzalez.abelaira@edu.xunta.gal