Nestes últimos días antes das vacacións do Nadal, o alumnado do centro puido ver cine de calidade na Semana do Cine en Galego 2023 do IES do Camiño. 

Así, o luns 18, os alumnos e alumnas de 1º e 2º da ESO viron Pinocho, unha versión animada do conto clásico, dirixida por Guillermo del Toro.

O martes 19, o alumnado de 1º e 2º de Bacharelato asistiu á proxección da premiada As bestas, de Rodrigo Sorogoyen.

E o mércores 20, os alumnos e alumnas de 3º e 4º da ESO puideron gozar de Pradolongo, de Ignacio Vilar.

Unha vez máis, o alumnado valorou moi positivamente este ameno xeito de adquirir aprendizaxes múltiples, ao tempo que abren as mentes a realidades diferentes ás propias

Álbum: Curso académico 2023/24 -> Semana do cine en galego

Queremos agradecer a colaboración do alumnado na decoración de nadal da biblioteca. Algúns dos que participaron son tamén voluntarios no tempo de lecer. Grazas a todas/os!

Álbum: Curso académico 2023/24 -> Nadal na Biblioteca

O día 21 de decembro despedimos a primeira avaliación coa festa do nadal na que o alumnado de varios cursos cantou panxoliñas, entregáronse os premios do Concurso de decoración de portas de nadal: 1º premio para 2ºESO, 2º Premio para 2º FP Básica 3 3º premio para 3ºESO. E rematamos a festa cunha turranada moi doce. Bo nadal a todos e todas!! e feliz aninovo!!

Álbum: Curso académico 2023/24 -> Festa de nadal 2023

Durante o pasado mes de outubro, unha profesora de lingua inglesa, Carmen Ares Fernández participou no programa PIALE da Consellería de Educación. Xunto con outros profesores de toda Galicia, estivo na cidade de Toronto, en Canadá co fin de perfeccionar o idioma inglés, e ao mesmo tempo, vivir unha experiencia educativa, e comparar o sistema educativo canadiense co galego. A profesora destacou que a experiencia serviulle para mellorar a súa competencia lingüística, así como coñecer o funcionamiento e a realidade dun centro de secundaria estranxeiro, coñecer as condicións laborais do profesorado doutro país, ampliar coñecementos culturais por medio de actividades diversas e establecer relacións persoais con profesionais doutros centros educativos no estranxeiro.

Álbum: Curso académico 2023/24 -> Programa PIALE

Con motivo do 25N na biblioteca do IES do Camiño convidamos ao alumnado a deixar a súa pegada en forma de bolboreta participando así, como xa fixeramos en anos anteriores, no proxecto "El latido de las mariposas". Ademais abrimos unha porta violeta signando un pedaciño da canción de Rozalén e escribimos mensaxes contra a violencia. Grazas a todas/os por vir!!

Álbum: Curso académico 2023/24 -> O 25N na Biblioteca

O pasado día 25 de novembro celebramos o día Contra a violencia machista nunha xuntanza moi fermosa do noso alumnado co do CEIP Plurilingüe de Palas de Rei, ao que agradecemos moito a súa hospitalidade. Xuntos visualizamos un vídeo do seu alumnado de 5º curso e asistimos á lectura dun manifesto e duns poemas do noso alumnado. Todos comprometidos coa erradicación da violencia contra as mulleres.

Álbum: Curso académico 2023/24 -> 25N: Contra a violencia machista

O IES do Camiño prepárase para a Semana do Cine en Galego. Xa se pode ver nos corredores do centro a exposición de carteis sobre a mesma, elaborados polo alumnado de TICS de 2º de Bacharelato.

Álbum: Curso académico 2023/24 -> Semana do cine en galego

O día 16 de outubro tivemos unha charla de educación viaria por parte da autoescola Curson sobre os riscos de conducir baixo o efecto do alcohol e das drogas ou do uso dos dispositivos móbiles ao volante. Ademáis ao rematar sortearon entre o noso alumnado un vale pola teórica e seis prácticas e dous vales pola teórica para o carnet de coche.

Álbum: Curso académico 2023/24 -> Charla de educación viaria

O mércores 18 de outubro, a totalidade do alumnado de 1º ESO máis o da materia de Portugués de 2º, asistiu ao obradoiro O PORTUGUÊS TÃO PERTO, ofrecido pola AGAL e a Deputación de Lugo.

O alumnado tomou conciencia neste ateliê  da vantaxe que representa a nosa lingua á hora de acceder ao ámbito social, cultural e mesmo laboral de numerosos países en todo o mundo.

Ademais, os alumnos e alumnas ficaron sorprendidos ao comprobar que, por sermos galegofalantes, a lingua portuguesa é moi doada de aprender para nós, de xeito que en apenas uns minutos foron quen de construír frases perfectamente correctas en portugués.

Álbum: Curso académico 2023/24 -> Obradoiro de portugués

Pode consultar as datas e horarios das presentacións na seguinte ligazón: Pesentacións setembro 2023

Lembramos que os días das presentacións non hai clase. As clases comezan o mércores 13 ás 8:30 da mañá segundo o horario que se facilitará ao alumnado o día da presentación.

O alumnado con ordenadores de Edixgal no seu poder (isto é: de 2º, 3º e 4º da ESO e alumnado repetidor de 1º da ESO), debe acudir con eles á presentación. Vaise facer un formateado que suporá borrado de arquivos. Se queren conservar información, deben arquivala previamente nun dispositivo externo (USB, disco duro...).