Actividades complementarias

O alumnado de 4º ESO achegouse ao stand co que a Secretaría Xeral de Igualdade busca informar e sensibilizar o alumnado contra a violencia de xénero. Os rapaces e rapazas participaron nun taller no que se abordaron os estereotipos de xénero, o ciclo da violencia nas relacións de parella e a presenza das mulleres na historia. Esta actividade realizouse en colaboración coa Concellería de Igualdade.

O alumnado de 1º de BACH de Literatura Universal, coordinado pola súa profesora Rocío, preparou unha acción colectiva para visibilizar as violencias machistas.

Este trimestre están amosando o seu traballo diante do alumnado de 1º e 3º ESO, participante na Titoría entre iguais, que traballará de maneira colaborativa nas sesións de titoría para reflexionar sobre as manifestacións e actitudes machistas.

Ademais, nunha das representacións contamos coa presenza de Silvia Díaz, concelleira de Igualdade, e Raquel Rodríguez, concelleira de Educación.

Moitas grazas polo voso traballo e compromiso Raquel, Lúa, Berto, Carla, Uxía, Ainhoa, Eva, María, Elías, Uxía e Sergio.

Artigo na sección "Faro da educación" do Faro de Vigo sobre as actividades que se están a desenvolver no centro.

En outubro, o alumnado que participou o curso pasado no programa e-Twinning recibiu os seus diplomas. Os proxectos desenvoltos recibiron o Selo de Calidade Nacional e Europeo.

Parabéns polo traballo!

A semana pasada comezaron as actividades do programa Titoría entre Iguais: unha primeira toma de contacto entre os titores e titoras de 3º ESO e o alumnado titorizado de 1º ESO.

Podedes ver máis imaxes nesta publicación de Instagram.

O venres pasado celebramos un acto de despedida para o alumnado que abandona o centro despois de rematar os seus estudos de Bacharelato e realizar as probas de acceso á universidade para darlles o noso "ata sempre".

A castiñeira do noso centro acolleu as intervencións da directora e do alumnado e a entrega de diplomas de Bacharelato e de Excelencia Académica. Ademais, neste acto tamén celebramos que todo o alumnado de 2º Bacharelato deste centro que se presentou á ABAU superou a proba.

Desexámosvos o mellor no novo camiño que comezades!