IES de Poio

A continuación achégase o calendario de entrega dos libros de texto do fondo solidario. Organízase en franxas horarias para evitar aglomeracións no centro educativo. O lote de libros debe ser recollido por unha persoa adulta, que asinará o documento de entrega.

Pregamos ás familias que respecten o horario de entrega. Se por causas de forza maior non poden presentarse no centro na franxa horaria adxudicada, pregamos que contacten co centro.

Os lotes de irmáns/irmás poden recollerse simultaneamente aínda que non se atopen no mesmo curso. Os vales de material pendentes de recoller entregaranse xunto co lote de libros de texto.

Xoves 16 de setembro

- 09.00h a 09.30h. 2º ESO (de Albar a Braña)

- 09.30h a 10.15h. 2º ESO (de Burgos a Faye)

- 13.00h a 14.00h. 2º ESO (de Fernández a Gómez)

- 16.00h a 16.30h. 1º ESO (de Abrante a Casal)

- 16.30h a 17.00h. 1º ESO (de Cochón a Fontenla)

- 17.00h a 17.30h. 1º ESO (de García a Moure)

- 17.30h a 18.00h. 1º ESO (de Mouriño a Rey)

- 18.00h a 18.30h. 1º ESO (de Ríos a Vilariño)

- 18.30h a 19.30h. Incidencias de todos os niveis

Venres 17 de setembro

- 09.00h a 09.30h. 2º ESO (de González a Malvar)

- 09.30h a 10.15h. 2º ESO (de Martínez a Rodríguez)

- 13.00h a 14.00h. 2º ESO (de Sánchez a Villanueva)

Luns 20 de setembro

- 09.00h a 09.30h. 4º ESO (de Alonso a de Sousa)

- 09.30h a 10.15h. 4º ESO (de Dios a Martínez)

- 13.00h a 14.00h. 4º ESO (de Medrano a Villanueva)

- 16.40h a 17.15h. 3º ESO (de Abilleira a Corredoira)

- 17.15h a 17.50h. 3º ESO (de Del Saso a Magdalena)

- 17.50h a 18.25h. 3º ESO (de Martínez a Reboredo)

- 18.25h a 19.00h. 3º ESO (de Redondo a Viñas)

- 16.40h a 19.00h. Incidencias de todos os niveis

Este curso 2021/2022 o alumnado volverá acceder ao centro por portas de entrada diferenciadas:

• Porta principal: acceso dos grupos da primeira planta e de 4º ESO A e B.
• Porta lateral dereita (porta de emerxencia sur): acceso dos grupos da planta baixa.
• Porta traseira (porta de emerxencia este): acceso dos grupos de Bacharelato e Ciclo Medio.

Nesta ligazón poden consultar como será a distribución das aulas este curso académico. Recordamos que o mércores 15 de setembro, o día de inicio de curso, o alumnado deberá ir directamente á súa aula onde será recibido pola súa titora ou titor. Terá que entrar pola porta correspondente.

O mércores 15 de setembro dará comezo o curso lectivo 2021/2022. O alumnado comezará as clases á 08.50h de acordo co novo horario do centro educativo, e rematará ás 14.30h, como vén sendo habitual. Deberá dirixirse á aula asignada ao seu grupo (os planos estarán publicados o día previo ao inicio do curso).

Aínda que non conte co carné de transporte, que lle será entregado ao longo da mañá, o alumnado poderá empregar o autobús escolar, xa que a empresa está informada desta situación. Os horarios son os mesmos que o curso 2020/2021 (poden consultarse aquí).

No documento adxunto teñen máis información de interese. É importante que o consulten.

O alumnado que tivese que presentarse á convocatoria de avaliación extraordinaria de setembro, debe ter en conta o seguinte horario do luns 6 de setembro:

• 10.00h-10.30h. Entrega de notas e devolución de libros de texto do fondo solidario na aula do grupo ao que pertence o/a alumno/a.
• 10.30h-12.00h. Entrega en Administración da matrícula do alumnado que cursará 4º ESO e BACH.*
• 12.00h-14.00h. Entrega en Administración da matrícula do alumnado que cursará 1º, 2º, 3º ESO.*

*Os sobres de matrícula con toda a documentación estarán dispoñibles na Conserxería do centro polo prezo de 1€.

O día da matrícula a documentación deberá vir debidamente cuberta e asinada por parte do pai/nai ou titor/a legal. Non se recollerán sobres de matrícula que non estean debidamente cubertos e conteñan toda a documentación necesaria.

Nesta ligazón poden atopar información de orientación académica para a realización da matrícula.

Publicación da 1ª adxudicación ordinaria de ciclos formativos de formación profesional en réxime ordinario e no réxime para as persoas adultas en modalidade presencial e en modalidade a distancia.

O prazo de matrícula ou renuncia do alumnado admitido en cada ciclo formativo abrangue desde o martes 20 de xullo ata as 13:00 horas do luns 26 de xullo de 2021. 

Publicación da 2ª adxudicación ordinaria de ciclos formativos de formación profesional en réxime ordinario e no réxime para as persoas adultas en modalidade presencial e en modalidade a distancia.

O prazo de matrícula ou renuncia do alumnado admitido en cada ciclo formativo abrangue desde o mércores 28 de xullo ata as 13:00 horas do venres 30 de xullo de 2021. 

A matrícula deberase realizar no centro educativo da praza adxudicada. Tamén se poderá solicitar matrícula na praza adxudicada vía web, pódense consultar as instrucións para este procedemento no menú "Servizos en liña" de "Ven a FP".

A renuncia, a unha praza adxudicada para permanecer en listaxe de espera doutras de mellor preferencia, poderase presentar en calquera centro de Galicia con oferta sostida con fondos públicos de ciclos formativos de Formación Profesional. Tamén se poderá renunciar á praza adxudicada vía web, pódense consultar as instrucións para este procedemento no menú "Servizos en liña" de "Ven a FP".

Para realizar presencialmente a matrícula ou a renuncia nunha praza adxudicada do réxime ordinario empregarase este modelo.

No arquivo adxunto indícase a documentación de matrícula específica que debe entregar na Administración do centro educativo o alumnado admitido no Ciclo Medio de Guía no medio natural e de tempo libre admitido no IES de Poio.