Skip to Content

Erasmus +      Comedor             

      

Taboleiro

Reparto de máscaras ao alumnado da ESO

No día de hoxe procederase ao reparto de máscaras reutilizables entre o alumnado da ESO. 

Lémbrase que segundo a orde da convocatoria, o alumnado con dereito ás máscaras é aquel que resultou beneficiario do cheque escolar, así como os que formularon solicitude extraordinaria no correspondente prazo e lles foi aceptada.

9 de decembro de 2020

Distribución de máscaras entre o alumnado da ESO.

O pasado día 6 de novembro a consellería de educación ditou unha orde para a distribución de máscaras entre determinado alumnado que cursa ensinanzas obrigatorias.

Para máis información véxase o arquivo adxunto.

Criterios de promoción e titulación 2019/2020

Novos criterios de promoción e titulación no curso 2019/2020.

Aprobados polo claustro de profesores o 25 de maio de 2020, seguindo as instrucións da consellería de educación do 27 de abril para o desenvolvemento do terceiro trimestre.

Premer na imaxe para acceder á información.

Itinerarios para o curso 2020/2021

Achéganse documentos para a elección por parte do alumnado dos itinerarios para o próximo curso.

O procedemento será o seguinte:  

  1. Descargar no ordenador o arquivo do curso que lle correspondería facer o ano que ven. Por exemplo un alumno/a que esté a cursar este ano 2º da ESO descargará o arquivo de 3º da ESO. O arquivo non pode editarse nunha ventana do navegador, é preciso descargalo.
  2. Cubrir todos os datos que se piden e marcar as casillas correspondentes. Non é necesario asinalo, abonda con indicar o nome e apelidos do pai/nai ou titor/a legal.
  3. Gardar o documento cuberto poñendo como nome do arquivo o nome do alumno/a.
  4. Envialo por correo electrónico antes do 5 de xuño ao enderezo do centro:

ies.cidade.antioquia@edu.xunta.es

Datas de presentación de documentos para a FCT e proxectos de ciclos formativos.

Achéganse calendarios para:

  • Proxecto de Xestión Forestal e Conservación do Medio Natural. ENLACE.
  • Formación en centros de traballo para o CS de Xestión Forestal e do Medio Natural. ENLACE.

Axudas para actividades de formación en linguas estranxeiras 2020

A consellería de educación ven de abrir o prazo para a solicitude de axudas para a formación en linguas estranxeiras de alumnado de ESO e Bacharelato. 

 

As axudas son para estadías formativas tanto dentro de Galicia como fóra nos idiomas Inglés, Francés e Portugués.

 

As solicitudes faranse a través da plataforma da consellería pulsando no enlace da fotografía. Prazo do 27 de febreiro ao 26 de marzo.

 

 

 

Mais información no enlace.

A ecuación que vale un millón de dólares.

O pasado día 10 de Xaneiro tivemos a honra de asistir no noso centro a unha conferencia a cargo do exalumno Oscar Rivero Salgado. 

Óscar cursou os estudos de ESO e Bacharelato no noso centro entre os anos 2006 e 2012. Entre moitos dos seus logros cómpren destacar os premios extraordinarios en ESO e Bacharelato de Galicia así como os primeiros premios nas olimpiadas galegas de matemáticas dos anos 2010, 2011 e 2012. Tamén participou nas olimpiadas españolas de matemáticas onde chegou a acadar a medalla de ouro no ano 2012, e nas olimpiadas internacionais, medalla de bronce no 2011 e de prata no 2012.

Posteriormente cursou o dobre grado de matemáticas e física na universidade politécnica de Barcelona, rematando os seus estudos cos premios de mellor expediente de matemáticas, mellor expediente de física e mellor traballo de fin de grao, o cal versaba sobre a "Conxectura de Birch e Swinnerton-Dyer", un dos chamados problemas do milenio e obxecto da conferencia coa que nos agasallou.

 

Premendo na imaxe pódese acceder á galería de fotos do evento.

 

 

Enlace á notica na prensa.

Calendario de inicio de clases para o curso 2019/2020.

Preme no icono para acceder ao calendario de inicio de curso.

 

Alumnos do noso centro participan na X edición do Parlamento Xove.

Os días 8 e 9 de marzo, os alumnos Xoán Caramés, Douaa Ahlioui, Lucía Vázquez e Nerea Carballo, acompañados pola profesora Esther Casal, participaron como equipo de debate no "Parlamento Xove 2019" que se celebrou no CRDO da Coruña. Dende o centro queremos felicitalos pola súa iniciativa e resultados acadados, parabéns!

Un alumno do noso centro recibe o premio extraordinario de FP.

O pasado día 22 de febreiro tivo lugar o acto de entrega dos premios extraordinarios de FP, bacharelato e ensinanzas artísticas outorgados pola consellería de educación.

Nese acto, o alumno do noso centro Jesús Regal Rodríguez, do ciclo superior de xestión forestal e do medio natural recolleu o "Premio extaordinario de ciclo superior de FP 2016/2017".

Dende o centro queremos felicitalo pola obtención deste premio e desexarlle moito éxito na sua carreira profesional.

Na imaxe inferior aparece acompañado pola directora María Garrído e a xefa de estudos Pilar Pérez. Pódese acceder á galería de fotos premendo na imaxe.

Distribuir contido


by Dr. Radut