OLIMPÍADA MATEMÁTICA

O xoves 23 de abril celebrouse, no IES Canido, a fase deda zona de Ferrol dunha nova edición da Olimpíada Matemática.

Nesta ocasión, entre os 34 participantes, atopábanse catro alumn@s do noso centro: Samuel Barrio Villamarín, Martín Gómez Pérez, Antía Sánchez Brage e Emma Vázquez Purriños.

Parabéns a todos eles e, especialmente a Martín, que foi seleccionado para a fase galega,

FONDO SOLIDARIO DE LIBROS 2019-2020

Tal e como recolle o documento que achegamos, desde o 21 de maio ata o 21 de xuño está aberto o prazo para que as familias do alumnado de ESO presenten a solicitude de participación no fondo solidario de libros de texto.

IMPORTANTE: O alumnado ADMITIDO EN 1º DE ESO deberá presentar a súa solicitude no mesmo prazo. A orde da convocatoria tamén establece que a presentación das solicitudes se fará PREFERIBLEMENTE de XEITO TELEMÁTICO.

PRESENTACIÓN DO LIBRO 72 HORAS

 

Os pasados días 2 e 3 de abril tivemos a visita de Juan Manuel Carmona no noso instituto. É o autor da novela 72 horas, que nos veu presentar. 

Esta novela é o núcleo do Proxecto 72 horas, co que se pretende, a través da lectura, crear conciencia sobre o abandono e a adopción de cans por un lado, e a colaboración con todos os refuxios e protectoras que queiran participar nesta iniciativa por outro, obtendo o 50% do prezo total da novela a modo de doazón. Neste caso, a protectora da comarca de Ferrol El hogar de Wilbur foi a beneficiaria da doazón a partir de todos os libros que se venderon na comarca.

VIAXE A PARIS

 

Tal e como amosa a imaxe, o alumnado de 4º de ESO anda estes días de viaxe por París...

Distribuir contido