Dende a Agrupación Estratéxica CITEEC, pertencente á Universidade da Coruña, estase a impulsar un canal de You Tube co que se tenta facer chegar ao público xeral a información sobre todas as profesións relacionadas coa Enxeñería Civil e Edificación:

https://www.youtube.com/channel/UCDxCQrJh5_H0TU5Tru8yLnQ

Dede a Universidade da Coruña envían a seguinte información para o alumnado de 2º de bacharelato:

A situación sanitaria que estamos a vivir como consecuencia do impacto da COVID-19 nas nosas vidas, convídanos á prudencia para evitar rebrotes e novos contaxios, polo que na Universidade da Coruña (UDC) pensamos en ofrecer ao futuro estudantado universitario, unha nova edición das XORNADAS DE PORTAS ABERTAS VIRTUAIS (XPAV) o martes 14 e o mércores 15 de xullo.

Dende a UDC queremos acompáñalo no camiño de elección do seu futuro universitario amosándolle a nosa ampla oferta académica.

As datas non están escollidas ao azar. As ABAU celebraranse en toda Galicia os días 7, 8 e 9 de xullo baixo un estrito protocolo sanitario.

As cualificacións faranse públicas o 16 de xullo, polo que esa semana será a que se utilice para decidir a titulación que cursarán o curso 2020-2021.

Nas XORNADAS DE PORTAS ABERTAS VIRTUAIS, os visitantes (estudantes e familiares) coñecerán por dentro a nosa Universidade e poderán interactuar cos responsables das titulacións, os vindeiros martes 14 e mércores 15 de xullo.

Tamén coñecerán servizos e unidades que lle van a facer máis fácil e atractiva a VIDA UNIVERSITARIA: UDC Internacional, residencias públicas, centro de linguas, cultura, deporte, cooperación e voluntariado, medioambente, UDC saudable, atención á diversidade, acción titorial, asociacións estudantís, emprego...

Poderán ver toda a información das Xornadas, na que figuran agrupados por ramas de coñecemento os 41 Grados, 7 Programas de Simultaneidade, 2 Graos Abertos e o Grado de Nanociencia e Nanotecnoloxía de nova implantanción, no curso 2020-2021

Na ligazón: https://www.udc.es/futuros_estudantes/portas_abertas/

E na aplicación móvil UDC.gal para Android e para IOS

Disporán de:

• Videoconferencia en directo de cada titulación
• Vídeos de Centros Universitarios
• Vídeos con testemuño de alumnado matriculado e alumando titulado.
  
  
  

Temos un apartado especial con RETOS E OBRADOIROS EN VIVO, con agasallos para os participantes.

Tamén terán a súa disposición un posto de INFORMACIÓN XERAL no que poderán facer as consultas e formular as dúbidas sen límite algún.

No seguinte enlace podes atopar un vídeo elaborado pola Facultade de Economía e Empresa da Universidade da Coruña coa súa oferta educativa:

Facultade de Economía e Empresa da Universidade de A Coruña

Pódense consultar as gravacións da Xornada de Portas Abertas da Universidade da Coruña, que inclúe o campus de Ferrol,  realizada o pasado mes de abril no seguinte enderezo:

 https://www.udc.es/gl/futuros_estudantes/portas_abertas/ 

con toda a información de contacto, acceso e admisión, orientación e resultados.

Disporán das seguintes gravacións:

• Videoconferencia en directo de cada titulación
• Vídeos dos Centros Universitarios
• Vídeos con testemuño de alumnado matriculado e alumando xa titulado.
• Vídeos da Vida Universitaria