Skip to Content

Actividades

Certame Museo do Humor

Mér, 24/05/2023 - 09:36 — paulamendez

A alumna de 1º ESO do noso centro, Salma García Castro gañou o 2º premio de Certame convocado polo Museo de Humor Xaquín Marín (Concello de Fene) e Demo Editorial co traballo presentado con título "A galiña"

O xurado valorou a capacidade de síntese da autora, o uso de humor a través do xogo de palabras e o uso da cor e da metalinguaxe do cómic.

Parabéns

IES Canido no clube de debate

Xov, 27/04/2023 - 16:58 — rodrigomontes

O IES de Canido enviou dous equipos á fase local do Clube de debate que tivo lugar o luns 24 de abril.

Debateuse sobre o tema "Somos menos sociais coas redes sociais" e os competidores defenderon posicións a favor ou en contra. Todos os compoñentes tiveron boa participación e o equipo de cuarto se clasificou para a fase final que terá lugar en Bertamiráns o 3 de xuño.

Noraboa a tódolos compoñentes dos equipos polo bo traballo realizado no que recolleron os froitos do esforzo dos días adicados á preparación e do bo facer das profesoras que os dirixiron: Victoria, Marcela e Carmen.

Na fase final se medirán con outras cinco formacións de Galicia. O equipo vencedor poderá gozar dunha viaxe educativa.

Estas actividades permiten ao alumnado practicar as súas habilidades comunicativas e promover o intercambio de ideas e opinións.

No enlace está a nova publicada no Diario de Ferrol.

 

 

 

 

 

ESCOLA DE FAMILIAS

Lun, 09/01/2023 - 12:36 — berta

A Concellería de Benestar Social, dentro do programa ESCOLA DE FAMILIAS, presenta este mes de febreiro un obradoiro de sexualidade. Consta de 3 sesións que se realizará no salón de actos da Casa Solidaria os días 1, 8 e 15 de febreiro de 17:00 a 18:30.

O formulario de inscripción está no ficherio adxunto.

 

 

ESCOLA DE FAMILIAS

Lun, 25/10/2021 - 13:50 — berta

O Concello de Ferrol amplía este curso a formación a través da Escola de Familias.

A prevención de condutas adictivas será o primeiro dos tres módulos que se impartirán (un por cada trimestre), e como o ano anterior, serán de novo Asfedro e Asociación de Exacohólicos as entidades que se encarguen de tutorizar as sesións, que darán comezo o 10 de novembro e se levarán a cabo os mércores ata o 22 de decembro (en total, seis sesións) no salón de actos do edificios social (rúa Sánchez Barcáiztegui 35).

O segundo módulo que se levará a cabo, en febreiro e marzo, será sobre sexualidade dirixido a nais/pais; e o terceiro (derradeiro trimestre do ano), sobre educar na diversidade. Nestes dous módulos participarán outras entidades da cidade expertas en cada un dos temas a abordar.

Podedes descargar o programa e a ficha de inscrición nos seguintes enlaces:

PROGRAMA

FICHA DE INSCRICIÓN

Escola de familias

Lun, 01/02/2021 - 22:20 — berta

Estimadas familias:

 

A asociación Asfedro e a asociación Ex-Alcohólicos de Ferrolterra, en convenio co Concello de Ferrol oferta a posibilidade de realizar unha Escola de familias con nenos/as en idade escolar.

 

Na escola abordaranse os seguintes temas:

 

  • A comunicación familiar e os estilos educativos
  • Normas e límites
  • Adolescencia, drogas e adiccións. Enfoques actuais.
  • Prevención de condutas adictivas: Adiccións con sustancia e adiccións comportamentais.
  • Riscos das novas tecnoloxías da información e da comunicación.

 

Levarase a cabo no Centro Municipal de Servizos Sociais na Rúa Sánchez Barcaiztegui do Concello de Ferrol os días 15 e 22 de febreiro e 1, 8, 15 e 22 de marzo de 2021 en horario de 17:00 a 18:30 horas.

 

Se estades interesadas en participar podedes inscribiros na asociación Asfedro a través do correo electrónico: prevencionasfedro@gmail.com antes do día 10 de febreiro de 2021 adxuntando: Nome e apelidos, número de fillos/as e idade dos mesmos/as, teléfono de contacto e dirección de correo electrónico. Ou entregar a ficha de inscrición en Xefatura de Estudos.

 

Para máis información podedes chamar a entidade Asfedro: 981372112 e preguntar pola técnica de prevención.

 

Moitas grazas.

 

Distribuir contido


by Dr. Radut